LightNews LightNews
ceartateanga.bsky.social
@ceartateanga.bsky.social
2 followers 1 following 2 posts
Posts Replies Media Videos
ceartateanga.bsky.social
Séamus Ó Coileáin ceaptha ina Stiúrthóir ar Oifig an Choimisinéara Teanga

@IALC_

@CnaG

@uniofgalway

@NuachtTG4

@NuachtRTE

@RTERnaG

@DeptRCDG
Tá Séamus Ó Coileáin ceaptha mar Stiúrthóir ag Oifig an Choimisinéara Teanga. Is as Áth an tSléibhe in Iarthar Luimnigh ó dhúchas do Shéamus Ó Coileáin. Bhain sé céim bhaitsiléara (Gaeilge agus Matamaitic) agus céim mháistreachta sa Ghaeilge amach ó Choláiste na hOllscoile, Corcaigh, tráth ar bhunaigh sé dlúthnasc le Baile an Chnocáin agus leis an gCuas i gCorca Dhuibhne, mar ar chuir sé barr feabhais ar a chuid Gaeilge. D’oibrigh Séamus le hIonad na Gaeilge Labhartha, UCC, agus le Europus ar an gCeathrú Rua sular thosaigh sé ag obair le hAcadamh na hOllscolaíochta Gaeilge in Ollscoil na Gaillimhe cúig bliana is fiche ó shin ina aistritheoir agus ina léachtóir le haistriúchán. Le roinnt blianta anuas bhí sé ina Cheann Disciplín ar an Aonad Aistriúcháin agus Ateangaireachta in Ollscoil na Gaillimhe. Bhí sé ina chomhordaitheoir, le roinnt blianta anuas freisin, ar an Ionad Barr Feabhais i gcomhair Gairmeacha san AE, aonán a fhéachann le gairmeacha an aistriúcháin, na hateangaireachta agus na dlí-theangeolaíochta a fhorbairt agus a chur chun cinn. Tá aithne ag saol na Gaeilge ar Shéamus as a shaineolas agus a chomhairleoireacht teanga, go háirithe i réimse an aistriúcháin, na gramadaí agus na comhréire. Bhí sé i measc an chéad chohóirt a bhain an Séala Aistriúcháin amach agus tá sé ar dhuine den ochtar a bhain an Séala Eagarthóireachta amach. Is aistritheoir bisiúil liteartha é, chomh maith, agus tá roinnt saothar aistriúcháin litríochta dá chuid i gcló – Asarlaí Oz agus An Fear nárbh fhéidir a fheiscint ina measc. Chomhbhunaigh sé, agus reáchtálann sé an suíomh aistriulitriochta.ie, áis a fhéachann le gach eolas faoin aistriú litríochta ó/go Gaeilge a chur ar fáil. Tá eolas nach beag aige ar an reachtaíocht teanga agus ar a cur i bhfeidhm agus taithí scór bliain go leith ar an mbainistíocht eagraíochtúil agus airgeadais, ar an bpleanáil straitéiseach agus ar an scríbhneoireacht theicniúil agus anailíseach.
August 25, 2025 at 2:05 PM
ceartateanga.bsky.social
May 1, 2025 at 9:35 PM