#PTCGP 琴日更新後送新卡包每種一包即三包，跟住我自己抽五包夾埋八包裏面中咗兩張全圖一張異色一張實境。
發現異色係第六張所以走去睇個官方嘅機率表係咪有改，原來佢多咗一個類似寶寶卡包機制，係特殊包有六張嘅卡包，第六張會係指定類型，新系列嘅卡包固定第六張係出異色，有一點同之前寶寶卡包系統唔同，佢異色係完全會分開去第六張嗰度，係唔會佔據原本五張卡機率，即係而家異色只會係特殊卡包出現。
呢個改變其實幾好，本身異色佔據稀有卡嘅機率畀人講咗段時間，但對我嚟講原本嗰個設計我唔太排斥，因為抽卡就應該有好運同不幸兩種卡，但對於其他人特別係有課金嘅人講點會想抽到不幸，所以我覺得營運係有聽人講嘢會改進呢點幾好。

PTCGP由最初出就零課玩到依家。
唔計一星以上同異色，除最新ex包外其他卡包原本抽到經差唔多齊，淨返就透過交換終於集齊。
其實一星以上，異色同埋最新ex包嘅鏡面卡都只係外觀唔同嘅卡，冇改變能力，作為免費手遊嚟講，唔需要課都有齊啲卡已經係幾好。
玩咗咁耐除咗齊曬卡幾開心仲抽過三張皇冠，仲有唔少實境，抽中呢啲都非常開心。
除咗抽卡儲卡外佢對戰我都覺得唔錯，佢戰力平衡我覺得整得唔差，新卡唔會過強到影響平衡，起碼近期都試過用最早期比卡超ex去打都有贏過人。同埋戰鬥長度合理，係雙方都有回合有交流嘅長度，而唔係淨係單方便做足全場嘅長度，某遊戲睇住人做足全場差唔多5至10分鐘真會令人唔想玩。
#ptcgp

睇完第一集(住在拔作島上的我該如何是好)，睇前段個設定感覺幾有趣，好似水龍敬樂園嗰種可以隨便同人做嘅感覺，但係睇到咁上下佢出現一段講解如果唔做嘅話就會被強迫做當懲罰，呢一段我個感覺會有少少反感， 反感嘅地方唔係個故事好唔好睇只係我唔鍾意我唔做某一件事就會被強迫，其實個感覺就類似當年(下流梗不存在的灰暗世界)相反，因為講咸濕野已被懲罰，呢一套我應該會追落去，因為個設定真係幾有趣亦都係一個講反抗嘅故事我幾鐘意

#住在拔作島上的我該如何是好 #抜きゲーみたいな島に住んでる貧乳わたしはどうすりゃいいですか #拔作島 #ぬきたし #下流梗不存在的灰暗世界 #下ネタという概念が存在しない退屈な世界

等左15年P&S，終於睇到新一季，睇過以前嗰套P&S一定要睇新呢一季，佢本質冇變，都係嗰陣時嘅有趣搞笑痴線，甚至乎有啲位更加突出

#新吊帶襪天使 #吊帶襪天使 #NEW_PANTY_AND_STOCKING #PANTY_AND_STOCKING #NP&S #P&S

活動卡嘅霜奶仙好可愛🥰

#PTCGP

睇完第一集，呢套 最近的偵探真沒用 好好笑，有好多梗，會追落去🤣🤣

#最近的偵探真沒用

呢套魔神創造傳終於睇完，一開始睇佢設定都有啲怕佢會變得奇怪，睇咗幾集就已經感受到佢同原本嘅魔神英雄傳係有明顯分別，佢叫魔神創造傳可能都係想大家分開呢兩套動畫咁睇。
其實以近代嘅兒童向動畫我覺得佢算合格，佢成個主題都係圍繞網絡嘅拍片文化，就好似會講下一啲為咗收視率拍一啲有詐騙成份嘅影片咁，其實入面有唔少位都有少少教育性，如果有家長陪同一齊睇其實係一個唔錯嘅動畫。

#魔神英雄傳
#魔神英雄伝ワタル
#魔神創造傳
#魔神創造伝ワタル