A conselleira de Economía e Industria, María Jesús Lorenzana, asinou un memorando de cooperación coa Empresa Común Sesar JU, Andreas Boschen, que vai permitir a Galicia “converterse no primeiro banco de probas en España do programa para impulsar o Ceo Dixital Europeo”, sinalaron.

A Xunta impulsa a dixitalización dos concellos galegos mediante un catálogo de servizos tecnolóxicos dispoñibles sen custo para as entidades locais. O investimento anual destinado a este modelo de gobernanza compartida supera os 4,6 millóns de euros, dos cales un 34,76 % se dedica á ciberseguridade, un 40,17 % ao desenvolvemento de sistemas e servizos dixitais e un 25,08 % á rede de aulas CeMIT, que favorece a capacitación dixital da cidadanía.

Facebook retirou en febreiro de 2023 a posibilidade de que os donos de negocios anunciasen ofertas de emprego (algo que podían facer dende 2017 dende EE.UU. e Canadá) e agora sorprenden co anuncio do regreso das ofertas de emprego a través dunha nova ferramenta que permitirá a mozos e adultos atopar traballos de nivel inicial e oportunidades laborais locais directamente en Facebook. As publicacións estarán dispoñibles para todos os usuarios maiores de 18 anos nos Estados Unidos e poderán consultarse en diferentes espazos da plataforma, como Marketplace, grupos e páxinas de empresas.

Google está a ampliar o alcance do seu modelo de xeración e edición de imaxes máis recente, Nano Banana, desenvolvido a partir de Gemini 2.5 Flash. Desde o seu lanzamento en agosto, a ferramenta xa se empregou para crear máis de cinco mil millóns de imaxes, e agora intégrase directamente no buscador de Google, en NotebookLM e, nas vindeiras semanas, tamén en Google Fotos.

Apple anunciou hoxe que a súa produción F1: La película, tras converterse en todo un éxito nas salas cinematográficas e estar tamén dispoñible para o mercado doméstico en formato de compra dixital, vai chegar finalmente ao seu servizo de vídeo mediante subscrición.

O Centro de Empresas e Innovación do Concello de Lugo (CEI-NODUS) segue a apostar polo talento e a creatividade lucense, e faino sumando no Viveiro de Empresas municipal oito novos proxectos emprendedores, que, en palabras do Concello, “representan a diversidade e a vitalidade do ecosistema económico da cidade”.

A Axencia para a Modernización Tecnolóxica de Galicia (AMTEGA) convocou 2.456 prazas de carácter libre para obter a certificación galega en competencias dixitais no nivel intermedio (ComDix Intermedio). As inscricións poden realizarse desde mañá e ata o vindeiro 27 de outubro incluído, a través da Rede CeMIT.

Google anunciou unha nova iniciativa coa que pretende achegar a súa tecnoloxía de IA ao estudantado universitario de España sen custo económico. Ofrece de balde durante un ano o plan Google AI Pro, que permite acceder ás versións máis avanzadas das súas ferramentas de IA, incluído o modelo Gemini 2.5 Pro, co obxectivo de que os estudantes poidan mellorar a súa creatividade, afondar nas súas aprendizaxes e prepararse para o mercado laboral do futuro.

MasOrange, Vodafone España e o fondo soberano de Singapur GIC presentan PremiumFiber, a nova marca coa que operará a maior compañía de fibra óptica do Estado, froito do acordo alcanzado entre as tres entidades o pasado mes de agosto. A empresa aspira a converterse no socio tecnolóxico de referencia para todos os clientes, ofrecendo un servizo de calidade superior.

Sobre a base das carencias da Wikipedia en materia de xénero, con menos do 25% das biografías publicadas correspondendo a mulleres (unha fenda de xénero que se acentúa especialmente no ámbito científico) celebrouse na UVigo a sexta edición da xornada Falemos de Ciencia en Igualdade, organizada polo Centro de Investigación en Nanomateriais e Biomedicina (CINBIO) e celebrada o pasado venres 10 de outubro no espazo INCUVI do Campus de Vigo.

O Parque Tecnolóxico de Galicia – Tecnópole vén de participar no XVIII Encontro Ibérico de Parques Científicos e Tecnolóxicos, celebrado en Évora (Portugal) baixo o lema Novos Mundos Imersivos. O evento estivo organizado polo Parque do Alentejo de Ciência e Tecnologia, a rede portuguesa TecParques e a Asociación de Parques Científicos y Tecnológicos de España (APTE). Durante tres días reuniu a representantes de parques, institucións e empresas de ámbolos dous países para impulsar a colaboración transfronteiriza en innovación e desenvolvemento tecnolóxico. A vindeira edición da cita, a XIX, celebrarase na sede da Tecnópole (San Cibrao das Viñas, Ourense).

O Concello de Santiago convocou unha nova edición (a de 2025) dos Bonos Corazón Compostela, á que xa se poden adherir os establecementos comerciais e hostaleiros interesados en participar a partir de hoxe luns 13 de outubro, e os bonos estarán dispoñíbeis para a súa descarga desde o xoves, 16 de outubro.

A comarca dos Ancares está sendo un dos obxectivos prioritarios neste ano 2025 da campaña Toponimízate. Falámosche dos nomes da túa terra, no marco da cal desenvolveuse unha sesión de divulgación, o pasado 6 de outubro, en Cervantes (pola mañá) e en Baralla (pola tarde). Á segunda das citas acudiron moitos amantes da toponimia e do patrimonio inmaterial desta comarca, que tivo lugar no Centro Sociocultural e Xuvenil e foi introducida polo alcalde do concello, Miguel González Piñeiro.

A Deputación de Pontevedra continúa a partir deste luns 13 de outubro en Sanxenxo e Rodeiro a programación dos preto de 70 obradoiros de capacitación tecnolóxica do programa +Reto Dixital con seis novos obradoiros (tres en Sanxenxo e tres en Rodeiro) nos que participarán un total de 81 veciñas e veciños (45 en Sanxenxo e 36 en Rodeiro).

A Deputación de Pontevedra organiza esta semana catro novos obradoiros de capacitación tecnolóxica ao abeiro da Rede SmartPeme+. As accións, en formato telemático e presencial (todas elas requiren inscrición previa), celebraranse do luns 13 ao xoves 16 de outubro e afondarán en cuestións como o deseño 3D, a rendibilidade dunha propiedade, a metodoloxía do inbound marketing ou o SEO (posicionamento) nas redes sociais, entre outros temas de interese para as pemes da provincia e as persoas autónomas.

A maior LAN party galega, a XGN Intermax, clausurou onte no recinto Feira Internacional de Galicia Abanca a súa edición especial dedicada á intelixencia artificial, consolidándose como un espazo de referencia para o intercambio de coñecementos e a formación en tecnoloxías dixitais.

O Clúster TIC Galicia participa por primeira vez con expositor propio na feira internacional GITEX Global, que se celebra en Dubái do 13 ao 17 de outubro, acompañado por seis empresas galegas: Quobis, Inverbis Analytics, Situm, Tarlogic, CTL e 2bedigital. Xuntas representan a metade das compañías españolas presentes neste evento considerado un dos máis relevantes do mundo en tecnoloxía, innovación, emprendemento e transformación dixital.

O pasado sábado no marco da XGN Intermax AI Edition, Álvaro Goyanes, profesor da Facultade de Farmacia da USC e cofundador de Fabrx e FabRx AI, impartiu unha conferencia na que salientou que a combinación da intelixencia artificial e a impresión 3D está a revolucionar o desenvolvemento farmacéutico e permitirá fabricar tratamentos personalizados directamente nos hospitais.

Battlefield 6 está a ter un lanzamento moi sólido, e a poucas horas da súa chegada oficial, o novo título de Electronic Arts alcanzou os 747.440 xogadores simultáneos en Steam, converténdose no décimo cuarto xogo máis xogado de todos os tempos na plataforma de Valve. Esta cifra supera con creces os rexistros anteriores da saga e mesmo deixa atrás a marcas como Apex Legends, o que resulta especialmente significativo tratándose dun título de pagamento.

De cando en vez hai produtos de electrónica de consumo que sorprenden por adoptar formatos pouco habituais, na procura de atopar un oco de mercado moi específico, o que fai posible que existan cousas tan rechamantes como o último accesorio de escritorio de Edifier podería confundirse facilmente cun ordenador gaming pero que, en realidade, é un altofalante que pode conectarse por Bluetooth, mediante un cable USB ou a través dunha entrada de son analóxica.

Os Ecommerce Days 2025 celebrados en Pontevedra consolidáronse como o gran encontro do sector dixital galego, reunindo durante dúas xornadas a máis de 250 profesionais do comercio electrónico, o márketing e a innovación tecnolóxica. O evento, organizado por Marketing4eCommerce e o Clúster do eCommerce Galego, apostou por unha programación diversa que combinou conferencias, mesas redondas, faladoiros e espazos de networking, sempre cun enfoque práctico e orientado á transformación dixital das empresas.

Mentres agardamos á chegada de Apple Vision Pro a España (que posiblemente chegue coa vindeira revisión do produto), a compañía de Cupertino comeza a corrixir a súa principal eiva despois do seu prezo elevado, a carencia de contidos, anunciando que os afeccionados ao baloncesto poderán gozar moi pronto dunha experiencia sen precedentes coa chegada dos partidos da NBA en Apple Immersive a Apple Vision Pro, grazas a Spectrum SportsNet.

O presidente de RTVE, José Pablo López, anunciou este 10 de outubro a retransmisión en galego de determinados partidos de fútbol, como primeiro paso para “reforzar o seu compromiso coa pluralidade lingüística”. Esta medida foi moi ben recibida pola Mesa para a Normalización Lingüística, que expresou a súa esperanza en que “o paso anunciado este venres 10 por López sexa o primeiro de todos os compromisos adquiridos o pasado mes de marzo, nunha xuntanza mantida co presidente e coa secretaria xeral da entidade de defensa da lingua”.

A XGN Intermax AI Edition acolleu esta tarde unha das charlas máis esperadas do seu programa: Intelixencia artificial: o teu novo superpoder, impartida polo divulgador e formador Raúl Ordóñez Jaspeante, recentemente recoñecido como Mellor Influencer de España 2025 en Ciencias e Innovación.

A maior LAN party de Galicia, a XGN Intermax AI Edition, abriu esta mañá as súas portas na Feira Internacional de Galicia ABANCA, en Silleda, cun total de 863 participantes rexistrados. A tradicional conta atrás, coa que arrinca oficialmente o evento, contou coa presenza do director da Fundación Semana Verde de Galicia, Ricardo Durán.