Dau ! amoulas e regardas-me faire ;
Que lou voulame esquicha contro vous
Siegue treta d'un safre raspignous,
E que lou tai aprima de bescaire
Vague en dedins ; mai souvenès-vous bèn
Que quau amolo a jamai perdu tèms.

Sa narro es gounflo e sa bato surjouso
Mosto soun iro, en bacelant lou sòu !
Vesès boufa li dos bèsti jalouso,
Quand, dins l'avé se cercon, regagnouso,
Se pèr malur s'atrovon, ai ! ai ! ai !
Li dous aret prenon lou vanc, s'alucon,
E quatecant se turton e s’ensucon !
Les Moissons, Frédéric Mistral.