CUAC FM emitirá este sábado 20 de decembro, de 16.00 a 18.00 horas, un programa especial en directo titulado Mulleres e Motor, unha proposta radiofónica que visibiliza o papel das mulleres no mundo da competición e do deporte do motor. O especial está producido polo equipo do programa SKPMotor, que habitualmente se emite os xoves de 23.00 a 24.00 horas…

Varias persoas usuarias de Aspronaga visitaron hoxe os estudos de CUAC FM, a radio comunitaria da Coruña, nunha xornada moi especial de encontro, comunicación e cultura. A visita permitiulles coñecer por dentro o funcionamento da emisora a través dun percorrido guiado polos diferentes espazos: os estudios de radio, a redacción e as áreas técnicas. Durante a visita, as persoas participantes puideron achegarse ao mundo da radio comunitaria, descubrir como se fai un programa desde dentro e coñecer de primeira man o proxecto social e cultural que desenvolve CUAC FM desde hai máis de dúas décadas na cidade.

CUAC FM, a radio comunitaria da Coruña, presenta 'Que bonitas son as ondas radiofónicas: 30 anos de CUAC FM', un libro colectivo que reconstrúe a súa historia a través das voces que, desde 1996, fixeron posible este proxecto cidadán único na cidade. Trátase dunha obra coral que recolle emoción, memoria e compromiso arredor de case tres décadas de radio libre e comunitaria.

O próximo 27 de marzo de 2026, o Teatro Colón da Coruña acollerá un dos eventos culturais da celebración do 30 aniversario de CUAC FM. O cantautor Pedro Pastor, acompañado pola súa banda Los Locos Descalzos, protagonizará un concerto que combina música, compromiso social e espírito comunitario. A cita contará ademais coa participación especial de Silvia Penide…

Chega o primeiro festival do podcast galego da man de EMUGA e, como non podía ser de outra maneira, CuacFm está presente nel.

O podcast está cada vez máis en auxe e iso nótase. Cada vez son máis as persoas que se achegan a radio a través deste formato, tanto creando novos programas, como consumindo dentro da ampla gama que existe, e non deixa de crecer. Isto repercutiu na radio que está a vivir unha segunda xuventude e, en especial, naquelas frecuencias de menor envergadura.

from the album Ulalume. Literatura e música en CUAC FM 1996-2000

O programa en directo recolleu as voces da universidade, das institucións e das empresas galegas participantes nesta primeira edición. O pasado 29 de outubro, CUAC FM emitiu en directo dende o Pavillón de Deportes do Campus de Elviña un programa especial con motivo da feira de emprego e emprendemento UDC Talento, organizada pola Universidade da Coruña. Agora, o espazo completo xa está dispoñible en formato…

O podcast de CUAC FM, presentado por Iván Pensado e Víctor Fernández, afonda nas orixes e nas consecuencias do vertedoiro radioactivo situado a uns 700 quilómetros de Fisterra, recuperando a memoria do “Xurelo” e das protestas contra os vertidos nucleares no Atlántico. O programa Estrelados na Estratosfera dedica o seu episodio 2x4, titulado “Cemiterio nuclear no mar de Galiza”

A emisora universitaria ofrecerá un programa especial de dúas horas con entrevistas a empresas, autoridades e emprendedores galegos. A radio comunitaria CUAC FM participará activamente na primeira edición de UDC Talento, a feira de emprego e emprendemento organizada pola Universidade da Coruña. O evento celebrarase o martes 29 de outubro, no Pavillón de Deportes do Campus de Elviña…

A emisora comunitaria CUAC FM participou activamente no V Encuentro de Mujeres Radiantes, celebrado do 24 ao 26 de outubro en Pinto (Madrid) baixo o lema “Voz, Memoria y Futuro”. O evento, organizado por Radio Xata coa colaboración da Red Estatal de Medios Comunitarios (ReMC) e Radio Guiniguada, reuniu a máis de medio cento de mulleres vinculadas á comunicación feminista e aos medios comunitarios de todo o Estado.

A emisora comunitaria CUAC FM quere expresar a súa máis firme condena ante o acto vandálico cometido esta semana contra a lona situada na entrada da radio, na que se rexeitaba o xenocidio en Gaza e se reproducía un texto da Convención das Nacións Unidas para a Prevención e a Sanción do Delito de Xenocidio. En 30 anos de actividade comunicativa comunitaria a prol dos Dereitos Humanos…

A Radio Comunitaria da Coruña, CUAC FM 103.4, comeza a súa trixésima tempada radiofónica con máis forza ca nunca e cunha cifra redonda que dá boa mostra da súa vitalidade: 501 programas emitidos ao longo da súa historia. A emisora universitaria, que leva tres décadas emitindo dende o Campus da Zapateira, prepara unha serie de actos para celebrar o seu…

A Coruña acolleu este domingo, 29 de setembro, unha nova edición da Carreira da Muller Central Lechera Asturiana, que reuniu a máis de 8.000 participantes. A cita deportiva, cun percorrido de 6,3 quilómetros desde Riazor ata a Torre de Hércules, é xa unha das máis multitudinarias da cidade e combina deporte, solidariedade e compromiso social.

CUAC FM súmase á iniciativa “Os Nomes” que terá lugar o vindeiro venres 3 de outubro no Obelisco da Coruña. A iniciativa foi convocada pola plataforma A Coruña pola Paz e secundada por BDS A Coruña. Conta coa colaboración de CUAC FM e da Fundación ONCE. A proposta consiste nunha lectura pública e continuada dos nomes das crianzas palestinas asasinadas…

A nova tempada en CUAC FM arrincou marcada por unha das noticias máis duras do verán: a vaga de incendios forestais que arrasou Galicia durante xullo e agosto. Varios programas da emisora comunitaria dedicaron espazo a analizar a magnitude da traxedia, a resposta institucional e as consecuencias ambientais e sociais dun fenómeno que xa se considera histórico pola súa gravidade.

Dentro da campaña ONDA ODS: o futuro e teu, CUAC FM emitrá entre setembro e outubro 4 magazines multilingües, cada un deles cun eixo temático principal: Emerxencia climática, Mundo Rural, Xénero, e Migracións e inclusión social A principal característica destes espazos, realizados de forma conxunta pola ReMC, EMA-RTV, EMUGA e RTV Cardedeu, é que contan con seccións en castelán, catalán e galego dentro de cada un deles.

CUAC FM emitirá Cultura en las Ondas, un programa especial en directo desde o Centre de Cultura Contemporània de Barcelona (CCCB) producido por Ràdio Televisió Cardedeu (RTVC) e a Rede de Medios Comunitarios (ReMC) . O espazo emitirase simultaneamente en streaming online e a través da FM por 22 emisoras comunitarias de todo o Estado, incluída CUAC FM (103.4 FM, A Coruña).

O pasado sábado 20 de setembro celebrouse a tradicional Batalla de Bandas do XXVII Concurso de Bandas e Solistas de CUAC FM, un evento de moi alto nivel na música emerxente de Galicia. Dende Granada participou Marga Sur, banda formada en 2023 por varios músicos de longa traxectoria na escena independente granadina. O estilo de Marga Sur reivindica a enerxía do rock dos anos 80, con influencias de Bruce Springsteen, Tom Petty ou Dire Straits, pero con letras en castelán e un son potente que se achega tamén a artistas actuais como Leiva ou Fito.