Policia e Kosovës ka arrestuar një person të dënuar me burgim për posedim të paautorizuar të narkotikëve, i cili ishte gjithashtu në kërkim për një rast tjetër të dhunës në familje. Zëdhënësi i Policisë për Rajonin e Prishtinës, Enis Pllana, konfirmoi për lajmetanin se arrestimi është bërë nga njësitë e stacionit policor “Veriu” në Prishtinë, në kuadër të veprimeve të vazhdueshme për kapjen e personave të kërkuar nga drejtësia.

Presidenti i Federatës Turke të Futbollit (TFF), Ibrahim Hacıosmanoglu, ka shpallur luftë ndaj skandaleve të basteve të përfshira me gjyqtarët, duke premtuar përjashtim të përjetshëm për çdo zyrtar që shpallet fajtor dhe duke e quajtur krizën “një abuzim që helmon drejtësinë”. Në një deklaratë të ashpër të publikuar në faqen zyrtare të federatës, ai dënoi zbulimin se qindra gjyqtarë aktivë janë përfshirë në baste, duke e cilësuar këtë si tradhti ndaj vlerave të shenjta të futbollit, ndërsa theksoi se Komiteti i Etikës dhe Bordi Disiplinor po hetojnë çdo rast.

Me datë 29.10.2025, në orën 15:15, në fshatin Reçan, rrethina e Gostivarit, nëpunës policorë nga NJPB Gostivar e privuan nga liria N.S. (22) nga fshati Reçan, rrethina e Gostivarit për shkak të bazave të dyshimit për kryerjen e veprës penale “përpunimi, mbajtja, ndërmjetësimi dhe tregtimi i paautorizuar i armëve ose materieve shpërthyese”, e ndëshkueshme sipas nenit 396 të Kodit Penal.

Disa pamje të publikuara thuhet se tregojnë momentin kur një aeroplan “luhatet si një lodër” ndërsa fluturon direkt në qendrën e egër të Uraganit Melissa. Sipas mediave të huaja, përcjell lajmetani, aeroplani që ndjek stuhinë qëllon direkt “në murin e syrit” të Melissa - vorbulla e reve ku erërat janë në kulmin e tyre. Pamjet tregojnë ekuipazhin e Administratës Kombëtare Oqeanike dhe Atmosferike (NOAA) të kapur fort ndërsa aeroplani goditet me dhunë.

Kryetari i Nismës Socialdemokrate, Fatmir Limaj, ka deklaruar se vendi tashmë është futur në fazën ligjore që kërkon respektimin e procedurave pas dështimit të krijimit të qeverisë. “Tashmë jemi futur në fazën ligjore që duhet të respektohen procedurat, është një takim që presidenten e detyron ligji të na ftoj pas dështimit të krijimit të qeverisë. Ashtu siç e thotë ligji, presidentja ka dhjetë ditë që t’ia jap mundësinë mandatarit të dytë dhe në këtë fazë presidentja fton partitë politike për t’u konsultuar dhe për të parë a ka mundësi dhe potencial që dikush nga forcat politike që janë në parlament të ketë shumicën për të ofruar një mandatar të ri për zgjedhjen e qeverisë”, tha Limaj.

Ministri në detyrë i Mbrojtjes, Ejup Maqedonci, në një intervistë për Radiotelevizionin e Kosovës, ka folur për zhvillimet aktuale të sigurisë në nivel global dhe ndikimin e tyre në rajonin e Ballkanit dhe në Kosovë. Maqedonci theksoi se bota po kalon një nga periudhat më të ndërlikuara të sigurisë që nga Lufta e Dytë Botërore, me ndryshime të mëdha strategjike dhe shfaqjen e akterëve që po sfidojnë rendin global të sigurisë.

Kampioni i Kosovës në futsall, FC Prishtina 01, ka siguruar kualifikimin në mesin e 16-të ekipeve më të mira të Ligës së Kampionëve, pas një fitoreje dramatike 7-6 ndaj kampionit kroat Novo Vrijeme. Skuadra nga Prishtina shfaqi një paraqitje të vendosur, duke ruajtur epërsinë gjatë gjithë ndeshjes dhe duke arritur golin vendimtar në sekondat e fundit. Pjesa e parë përfundoi 4-3 në favor të kampionëve tanë, ndërsa në fraksionin e dytë loja u zhvillua me intensitet të lartë dhe me shumë raste nga të dyja palët.

Samsung ka konfirmuar se seria e re Galaxy S26 do të sjellë një përvojë tërësisht të re për përdoruesit, me inteligjencë artificiale të avancuar dhe çipa të personalizuar. Gjatë raportit financiar për tremujorin e tretë, kompania njoftoi se pajisjet e reja do të përfshijnë procesorë të gjeneratës së dytë, performancë më të lartë dhe sensorë të rinj kamerash. Zëvendëspresidenti i divizionit Mobile Experience, Daniel Araujo, tha se synimi është të “revolucionarizohet përvoja e përdoruesit” me teknologji të reja AI dhe çipa të fuqishëm.

Me gjithë avancimin në shërbime, Kirurgjia Torakale ende është e kufizuar në trajtimin e deformimeve të rralla të gjoksit, me metoda moderne, minimal invasive, për shkak të kompleksitetit të ndërhyrjes e mungesës në përvojë. Përvoja që po e sjellin në Prishtinë, ekipi i kirurgëve nga Turqia, sipas U.d. së drejtorit të Klinikës së Kirurgjisë Torakal, Nazmi Kolgeci, është domosdoshmëri në përgatitjen e kuadrove të reja, që do t'i kryejnë në të ardhmen këto shërbime pa ndihmën e mjekëve të huaj.

Një studio shumë e vogël pranë Stamford Bridge në Chelsea, Londër, ofron një shembull të qartë të kontrasteve në tregun e pasurive të patundshme britanike. Me vetëm 10.2 metra katrorë, apartamenti shitet për 270,000 funte, që përkthehet në rreth 312,000 euro. Ai përfshin një krevat, një kuzhinë të vogël me furrë dhe lavaman, dhe një banjo en-suite. Sipërfaqja totale është më pak se një të dhjetën e madhësisë së zonës së golit në futboll, duke e bërë atë jashtëzakonisht të vogël sipas standardeve të banimit.

Në gjykimin për rastin e sekuestrimit të 400 kilogramëve kokainë, në Gjykatën Themelore në Prishtinë, të enjten dha mbrojtjen i akuzuari Kadri Brahimi i cili tha se në pakot ku u gjet droga kanë menduar se gjendet mishi i bardhë dhe se sipas tij, po të mos reagonte Policia, malli do të shpërndahej nëpër markete. Kurse, i akuzuari Fehmi Bytyqi, i cili tregoi se video-incizimin e kontejnerit e dërgoi tek pronari i kompanisë Izet Sheqiri, procedurë që e kishte bërë çdo herë.

Monarku britanik, Charles III, ka nisur procesin zyrtar për të hequr titullin e princit nga vëllai i tij, Andrew, i cili gjithashtu do të largohet nga rezidenca mbretërore në Uindsor dhe do të zhvendoset në pronën private në Sandringam. Pallati Buckingham njoftoi se Andrew është pajtuar të largohet nga prona mbretërore, ndërsa lidhjet e tij me financierin Jeffrey Epstein, i ekspozuar si pedofil, vazhdojnë të shkaktojnë polemika.

Netflix ka publikuar një trailer për sezonin e pestë dhe të fundit të serialit "Stranger Things", dhe postimi në YouTube ka mbledhur më shumë se 700,000 shikime vetëm në një orë. Në një trailer krejt të ri, ekipi i Hawkins më në fund ribashkohet ndërsa përgatitet për sfidën e tyre më të vështirë deri më tani. Me qytetin nën karantinë ushtarake dhe Vecna-n famëkeqe që po çliron makthe të reja, rreziqet jo vetëm që rriten, por edhe përmbysen në sezonin e fundit.

Senati amerikan votoi për të përfunduar tarifat globale të Donald Trumpit për më shumë se 100 vende. Votimi u miratua me 51 ndaj 47, në përpjekjen më të fundit dypartiake për të sfiduar tarifat, por është e pamundur që Dhoma e Përfaqësuesve të ndërmarrë një veprim të ngjashëm. Senati amerikan mori një qëndrim kundër tarifave globale të Trumpit, që përfshinin mbi 100 vende, duke votuar të enjten për të anuluar tarifat e ashtuquajtura “reciproke”.

Presidentja e Republikës së Kosovës, Vjosa Osmani, gjatë vizitës së saj zyrtare në Mbretërinë e Arabisë Saudite, ka zhvilluar një sërë takimesh bilaterale dhe multilaterale të nivelit të lartë, të cilat shënojnë një moment historik për forcimin e marrëdhënieve ndërkombëtare të Kosovës. Presidenca në llogarinë zyrtare në Facebook, ka dhënë detaje për vizitën zyrtare. Kjo vizitë u përmbyll me një arritje të rëndësishme diplomatike: njohjen zyrtare të Republikës së Kosovës nga Siria, e cila u finalizua falë ndërmjetësimit dhe mbështetjes së aleatëve të Kosovës në rajon.

Komandantët rusë po ekzekutojnë, torturojnë dhe dërgojnë drejt vdekjes ushtarët që refuzojnë të luftojnë në Ukrainë, sipas një hetimi të ri që ekspozon një fushatë terrori brenda ushtrisë së Vladimir Putinit. Sipas Daily Mail, përcjell lajmetani, portali i pavarur rus Verstka gjeti prova se burrat që nuk i binden urdhrave po qëllohen, torturohen ose detyrohen të kryejnë misione vetëvrasëse, ndërsa komandantët përdorin masa ekstreme për të ndaluar trupat që tërhiqen nga fronti.

Lamine Yamal është sërish në qendër të polemikave pas përfundimit të El Clasicos, ku Barcelona u mposht nga Real Madridi me rezultatin 2-1. Në minutat pas ndeshjes, 18-vjeçari i Barcelonës u përfshi në një debat të ashpër me disa futbollistë të Real Madridit, përfshirë Vinicius Jr dhe Dani Carvajal. Konflikti shpërtheu pas disa komenteve që Yamal kishte bërë para ndeshjes, ku kishte akuzuar rivalët madrilenë për “mashtrime”.

Lëvizja Vetëvendosje në Dragash ka njoftuar se në raundin e dytë të zgjedhjeve lokale, që do të mbahet më 9 nëntor, do të mbështesë kandidatin e Partisë Demokratike të Kosovës (PDK), Shaban Shabani. Në njoftimin e qendrës së Vetëvendosjes në Dragash thuhet se vendimi është marrë pas analizës së rezultatit zgjedhor dhe diskutimeve në grupin punues të partisë në Sharr, si dhe pas aprovimit nga kryesia qendrore.

Ish-presidenti i Republikës Serbe (RS) dhe lideri i Aleancës së Pavarur të Socialdemokratëve (SNSD), Milorad Dodik, dhe anëtarja serbe e Presidencës së Bosnjës dhe Hercegovinës, Zheljka Cvijanoviq, mbeten nën sanksionet e Mbretërisë së Bashkuar, ka konfirmuar Ministria e Jashtme e Mbretërisë së Bashkuar për Radio Evropa e Lirë (në gjuhën serbe). Në përgjigje theksohet se regjimi i sanksioneve të Mbretërisë së Bashkuar lejon vendosjen e sanksioneve ndaj "atyre që minojnë ose rrezikojnë sovranitetin, integritetin territorial, subjektivitetin ndërkombëtar ose rendin kushtetues të Bosnjës dhe Hercegovinës".

Një numër i konsiderueshëm organizatash ekstremiste të djathta në Serbi dyshohet se funksionojnë si zgjatime të fshehta të regjimit të presidentit Aleksandar Vuçiq. Madje të njëjtat dyshohet se përdoren për të kontrolluar rrugën, për të frikësuar kundërshtarët politikë dhe për të krijuar atmosferë tensioni në shoqëri. Në shumë raste, emrat e njerëzve të afërt me pushtetin – përfshirë edhe ish-ministrin e Brendshëm Aleksandar Vulin – janë përmendur në dëshmitë e ish-anëtarëve të këtyre grupeve si figura mbështetëse apo ndërmjetëse të lidhjeve me policinë dhe shërbimet e sigurisë.

Gjatë podcastit “Shëndeti në rend të parë”, të mbështetur nga United Hospital, onkologu Ilir Kurtishi ka folur për rëndësinë e testeve gjenetike në parandalimin e sëmundjeve malinje, veçanërisht atyre që prekin gratë, si kanceri i gjirit dhe i vezoreve. Sipas Kurtishit, studimet kanë treguar se nuk ka përfitime të mëdha nga kontrollimet rutinë te femrat nën moshën 40-vjeçare, nëse ato nuk kanë histori familjare të sëmundjeve malinje dhe nuk janë bartëse të gjeneve BRCA.

Pavarësisht se kërkoi tre lojtarë kur u emërua te Manchester United, Ruben Amorim nuk ka nënshkruar asnjë prej tyre 12 muaj më vonë. Pas një sezoni të dobët, duke përfunduar i 15-ti në Ligën Premier dhe duke humbur finalen e Ligës së Evropës ndaj Tottenhamit, ai mori mbështetje në afatin kalimtar veror. Sulmi i Amorimit u përforcua me ardhjet e Bryan Mbeumo dhe Matheus Cunha, të dëshmuar në Ligën Premier, ndërsa Benjamin Sesko erdhi nga Leipzig.

Humbja 3-2 e Liverpoolit ndaj Brentfordit i la ata shtatë pikë prapa liderëve Arsenal në Ligën Premier, duke hedhur dyshime mbi mbrojtjen e titullit të tyre. Ish-mesfushori i Chelseat, John Obi Mikel, beson se problemet e ekipit janë të lidhura me pasojat emocionale nga vdekja tragjike e Diogo Jotës në një aksident me makinë korrikun e kaluar. Duke folur në podkastin The Obi One, Mikel tha se humbja kishte ndikuar thellë në ekip, veçanërisht në Mohamed Salah, i cili ishte i afërt me Jotën.

Kina ka miratuar marrëveshjen e transferimit për aplikacionin e videove të shkurtra TikTok, tha të enjten Sekretari i Thesarit të SHBA-së, Scott Bessent, duke shtuar se pret që ajo të ecë përpara në javët dhe muajt e ardhshëm, por pa dhënë detaje të tjera. "Në Kuala Lumpur, ne finalizuam marrëveshjen e TikTok në lidhje me marrjen e miratimit kinez, dhe unë pres që kjo të ecë përpara në javët dhe muajt e ardhshëm, dhe më në fund do të shohim një zgjidhje për këtë", tha ai, pas takimit të presidentit Donald Trump me udhëheqësin kinez Xi Jinping.

Kancelari gjerman Friedrich Merz i ofroi Turqisë një thellim të marrëdhënieve dypalëshe të enjten dhe shprehu mbështetje për ringjalljen e përpjekjes së Ankarasë për t'u bashkuar me Bashkimin Evropian, e cila ka ngecur prej kohësh. "Si gjermanë dhe si evropianë, ne duhet të forcojmë partneritetet tona strategjike - dhe nuk ka asnjë mënyrë tjetër përveç një partneriteti të fortë dhe të thellë me Turqinë", tha Merz në një konferencë të përbashkët për shtyp me presidentin Rexhep Tajip Erdogan në Ankara.