Undodez fai balance do 2025, un ano de proxectos en continuidade, creación cultural coidada e aposta pola infancia e a música en galego.

A app de Bibopalula xa está dispoñible para Android e iOS, con capítulos, música e xogos interactivos dirixidos á cativada entre 2 e 6 anos.

Nena, a curtametraxe de Undodez, supera as 50 seleccións e os 20 premios en festivais de todo o mundo desde a súa estrea en 2023.

Contra todo prognóstico, a Banda do Bosque atopa un refuxio no frío exterior do inverno. Un sitio quentiño do que xa non van querer saír!

O conto de Bibopalula ofrece aos máis pequenos unha introdución ao universo da serie dun xeito diferente. Dispoñible na web, na app e nos stands da xira!

Todo comeza cunha busca, a da Nova Regueifa. Nese proceso, rematamos decatándonos de que xa estamos camiñando ao son dela. Este documental propón…

Queremos ampliar o noso equipo cunha persoa que poida axudarnos nunha das partes máis importantes do noso traballo: contar o que facemos e chegar ao público.

A Coruña e Santiago acollen esta fin de semana as primeiras funcións do primeiro musical infantil en galego, protagonizado por Lidia Veiga e dirixido por Marta Lado.

Robin, Carpin, Merli e Pegui son A Banda do Bosque, un grupo de paxaros que fan música. Déronse a coñecer entre as nenas e nenos a través das pantallas en Xabarin.gal cunha serie musical de cincuenta e cinco capítulos que en poucos días conseguiu ser o contido máis visto da plataforma de contidos infantís. Tal foi o éxito que desde Ainé, a produtora do actor Xosé A. Touriñán, non o dubidaron. Habituados a encher teatros e auditorios por toda Galicia cos seus espectáculos de comedia decidiron lanzarse á produción escénica infantil cunha proposta que o ten todo para triunfar: cancións, coreografías, efectos especiais... O espectáculo de Bibopalula sae de xira durante todo o mes de xuño cunha proposta nada habitual en Galicia: cinco actrices sobre as táboas, un equipo técnico e de produción de máis de dez persoas, un decorado que fará de cada escenario un gran bosque, decenas de focos e proxeccións para que a experiencia das pequenas e pequenos espectadores sexa inesquecible. O espectáculo de Bibopalula sae de xiraAiné Producións Lidia Veiga é a protagonista da peza e interpreta a Ava, unha experta observadora de paxaros, encargada de guiar ao público nunha divertidísima viaxe polo bosque na procura dun gran tesouro. Os fenómenos meteorolóxicos, a escuridade da noite ou os medos e inquedanzas de cada un dos membros da Banda do Bosque serán obstáculos a superar durante os cincuenta minutos de espectáculo. Non faltarán sobre o escenario outros personaxes queridos polas nenas e nenos, como o Señor Moucho ou Pombo, que interpreta o propio Touriñán. A peza está dirixida a cativas e cativos de entre 3 e 8 anos, que sairán do teatro cun pequeno agasallo co que revivir a experiencia a través dun xogo interactivo co que aprenderán moito máis sobre o bosque e os paxaros que o habitan, e desfrutarán de máis cancións. O espectáculo de Bibopalula estrearase o 7 de xuño na Coruña e xirará por toda Galicia todas as fins de semana do mes. En Pontevedra estará o sábado 14, no Auditorio Sede Afundación, cun pase previsto ás 17.30 horas para o que as entradas xa están á venda. A Xunta de Galicia, a través das súas subvencións á creación escénica, o Concello da Coruña e Deleite fan posible esta produción de Ainé, a compañía que lidera a venda de entradas para espectáculos en galego desde hai xa varios anos con propostas como Somos Criminais ou Fariña.

Producido por Ainé, e escrito e dirixido por Marta Lado, coa actriz Lidia Veiga como protagonista, estrearase na Coruña o 7 de xuño.

A través dunha mensaxe de Carpin e Robin nas redes sociais convidan ás familias a asistir aos Xardíns de Méndez Núñez para un "anuncio importante".

A curtametraxe de Xosé A. Touriñán, que codirixiu con Jairo Iglesias, supera xa o medio cento de seleccións en certames de todo o mundo, e proxectarase na localidade do Morrazo o 26 de abril.

O equipo da produtora estivo nun dos mercados de contidos de ficción máis relevantes en Europa presentando dous proxectos a distintas produtoras e canles.

A Axencia Galega das Industrias Culturais da Xunta de Galicia publicou a pasada semana a súa publicación anual de referencia para a distribución internacional de contidos audiovisuais.

O festival carballés proxectará dous capítulos da serie o xoves 24 de abril na biblioteca Rego da Balsa.

A Banda do Bosque estará presente ata o 6 de abril no espazo expositivo do Pazo da Cultura de Pontevedra. Laura Mahía, directora da serie, compartiu coas cativas e cativos a segunda xornada do Salón.

Dirixido por Saúl Rivas e Borja Casal, e producido por Undodez para a Televisión de Galicia, o formato explora a pegada que a música de raíz e os ritmos tradicionais galegos teñen nas músicas actuais.

O filme, dirixido por Xosé A. Touriñán e Jairo Iglesias e protagonizado por Antía Touriñán, suma máis de vinte premios e cincuenta seleccións en festivais de todo o mundo.

Os Premios Mestre Mateo entregaron en Pontevedra os seus galardóns especiais a producións que promoven valores como a sostibilidade ou o coidado do idioma.