#ZONEWS MamitOctober 18, 2025: Vawiin khan Pu John Rotluangliana s/o Pu Israel Sangkhuma (L) Indian National Congress (INC) Official candidate leh Dr.R.Lalthangliana s/o Dengchhunga (L) Mizo National Front (MNF) Official candidate te chuan 2-Dampa (ST) AC By-Election neih tura chuh turin Pu Malsawmzuala, Returning Officer, 2-Dampa (ST) AC hnenah hming an pe lut. 2-Dampa (ST) AC By-Election a chuh tur hian ZPM, BJP, INC leh MNF candidate te chuan hming an pe lut tawh a,hming pek luh hun hi Election Commission of India thu angin ni 21.10.2025 (Thawhlehni) thleng hun hawn niin, scrutiny ni 22nd October, 2025 (Nilaini) ah neih tur a ni a, candidate in withdraw duh tan 24th October, 2025 (Zirtawpni) thleng a ni ang.

#ZONEWS Champhai October 18, 2025: Sports Minister Pu Lalnghinglova Hmar chuan tukin khan Chhangphut field-a Champhai District Football Association (CDFA) office-ah CDFA hruaitute a kawm. Minister Pu Lalnghinglova Hmar chuan CDFA hruaitute an hnathawh fakin inkhelmi te hmasawnna leh thlen san zel theihna ngaihtuaha thawk zel turin a chah a, department hruaitute nen thawhhona tha nen inkhel mi an vawrh san mai bakah inkhel mi an tam zel theih a rin thu a sawi a ni. Minister hian CDFA II Division Tournament neih mek a tlawh nghal bawk a ni.

#ZONEWS Geneva October 18, 2025 : Nimin khan Pi Lalrinpuii, Health & Family Welfare Minister chuan Geneva, Switzerland ah Doctors Without Borders ( Medecins sans Frontiers) hotu Pi Marie Elosabeth, Humanitarian Representative to the United Nations in Geneva, chu a office ah lengin Mizoram ah zau zawka thawhho dan tur a sawipui. Doctors Without Borders hian Lawngtlai leh Champhai district a raltlante tan health sector hnuaiah project an lo kalpui tawh thin a, tunah pawh Zokhawthar ah raltlante tan hriselna kawngah nasa takin hma an la mek a ni, Minister chuan Mizoram in HIV/ Aids dona kawngah pawh thawhho puiah sawmin MSACS hmalak mekna tichak tur leh Aids vei te enkawlna kawngah leh invenna kawnga tanlak puiah a sawm a, Mizoram chu India ramah population chhut a Cancer natna vei tam ber kan nih thu sawiin zirchianna neihsak turin a sawm bawk a ni.

#ZONEWS Kolkata October 18, 2025: Vawiin khan I&PR Minister Pu B.Lalchhanzova chuan Kolkata Mizoram House, Salt Lake-ah Dr. Dipak Das Gupta, Climate Scientist, Ministry of Finance Govt of India a Principal Economic Adviser hlui leh Pu Joy Chakravarty te a kawm a. He hunah hian UNDP hnuaia  Green Climate Fund  chu Mizoramin a hman tangkai ve theih tur chungchang te an sawiho a ni.

#ZONEWS LungleiOctober 18, 2025: Vawiin khan Lungleia Art & Culture Auditorium-a Pang Zirlai Pawl (PZP) Sub-Headquarters Lungleiin zirlai tharte lawmna leh zirlai ti ṭhate chawimawina, "Freshers' Social cum Felicitation 2025" an buatsaih chu Lunglei South bialtu MLA Pu Lalramliana Papuia chuan khuallian niin a hmanpui. Khuallian Pu Lalramliana Papuia chuan zirlai hlawhtlinna changte a lawmpui thu sawiin, zirlai tharte pawh zirlai an nihna leh an zir chhanah chiang a, hlawhtling tura tumruhna nen theih tawp chhuah turin a chah a.

#ZONEWS Khawzawl October 172025 : Vawiin chawhma Dar 10:00am atang khan Zaingen Branch YMA Hall-ah Khawzawl District Children Science Congress 2025 neih a ni a, Khawzawl District chhung School hrang hrang atangin Project 18 a lut a, Junior Category - 11 leh Senior Category - 7, an vaiin School 18 te Project siam hmangin an inel a ni. He programme hi STAM leh Samagra Shiksha, Khawzawl District te tangkawpin an buatsaih a ni.

#ZONEWS KOLASIB October 17, 2025 : Vawiin khan Kolasib DC Conference Hall-ah National Highway 306 & 06 thawmthat hna kal mek chungchangah thutkhawmna pawimawh tak neih a ni a. He hun hi Pi B Malsawmtluangi, Addl DC Kolasib chuan a kaihruai a, SDO (Sadar) Kolasib, PWD Mizoram atangin Sr.EE (PWD Kolasib leh Highway Division III, Kolasib ) te, SDPO, DTO, Youth for Kolasib aiawhte, 4Lane PMU contractor-te, MTA District Headquarters Kolasib leh JAC Kolasib Chairman te leh NHIDCL aiawhte an tel a ni.

#ZONEWS Aizawl October 17, 2025 : Vawiin tlai lam khan Chief Minister Pu Lalduhoma chuan Thenzawl Peace City Master Plan siam tura thlan IPE Global thuneitute chu a office-ah meeting a neihpui a. An company hmalak tawhna te enpuiin, Peace City tana sorkar hmathlirte a hrilh. Chief Minister hi Pu K. Sapdanga, UD & PA Minister chuan a tawiawm. Chief Minister chuan, Thenzawl Peace City hi Mizorama Plan City hmasa ber leh a awm chhun a ni dawn a.

#ZONEWS Aizawl dated 17th October 17, 2025: Vawiin chawhnu khan Planning & Programme Implementation Department Conference Hall-ah Irrigation & Water Resources Department bultuma Tlawng lui humhalhna leh tui hna tih chak lehzualna tur,’ ‘REVITALISING TLAWNG RIVER THROUGH SPRINGSHED MANAGEMENT & ALLIED STRATEGIES’ kalpui dan tur chungchanga inrawnkhawmna neih a ni a. Pu Lalduhoma, Chief Minister chuan he hun hi hmanpuiin Dr.

#ZONEWS Lunglei October 17, 2025: Mizo Academy of Letters (MAL), Joint Headquarters, Lungleiin Mizo thu leh hlaa thawh hlawkte hnena kum 3 dana an hlan ṭhin, "Pu Buanga Award" chu vawiin, October ni 17, 2025 (Zirtawpni) khan Pu C. Chhuanvawra hnenah an hlan a. Hlanna inkhawm hi Lungleia Art & Culture Auditorium-ah buatsaih niin, Lunglei South bialtu MLA Pu Lalramliana Papuia chuan Pu Buanga Award hi a dawngtu Pu C.

#ZONEWS Khawzawl 17th October 17, 2025: Vawiin khan Electric Veng YMA Hall-ah Mizoram Legal Services Authority leh All Mizoram Elected Women Representatives (AMEWR) tangkawp chuan NALSA hnuaia scheme zirchianna leh hmeichhia VC tana training (Special Campaign on Schemes of NALSA and Capacity Building & Leadership Training for Elected Women Representatives of Khawzawl District) a buatsaih a, Khawzawl Bawrhsap Pu K. Vanlalthiana chu khuallian niin Gauhati High Court, Aizawl Bench Jt.

#ZONEWS Vanghmun October 17, 2025 : Vawiin khan Art & Culture Department leh Tripura Group YMA te tangkawp buatsaihin Vanghmun, Jampui tlangdung-ah Cultural Meet neih a ni a. Pu C. Lalsawivunga, Minister, Art & Culture Department chuan khuallian niin a hman pui a; he Cultural Meet-ah hian Tripura Group YMA huam chhunga YMA Branch hrang hrang te an tel. Vanghmun Khelmual, Jampui Hill, North Tripura a Cultural Meet neih hi Pu Chawnghmingthanga, Vice President, Tripura Group YMA chuan a kaihruai a; Pu Lalnunfima, President, Tripura Group YMA chuan lawmthu sawiin hun a hmang bawk.

#ZONEWS Hnahthial October 17, 2025: Vawiin khan Tuipui South Branch YMA Hall-ah, Sawrkar Laipui Scheme - Pradhan Mantri Matsya Sampada Yojana (PMMSY) hnuaia Fisheries kaihhnawih hmanga intihhlimna chawisan nana sum dah chu South Tuipui Bialtu MLA, Pu Jeje Lalpekhlua chuan Tuipui South Branch YMA-te hnenah a hlan a; Tuipui South-ah hmalakna an nghah thu leh Mizoram pum huap turin a vawi khat nan Fish Festival an huaihawt tur chu lawmawm a tih thu a sawi.

#ZONEWS Hnahthial October 17, 2025: Vawiin khan Lungleng Veng, Lalnu Ropuiliani Hall bulah Transport Department Minister, Pu Vanlalhlana'n District Transport Office (DTO) chu a hawng a. Minister chuan tui lama inkalpawhna tur- Inland Waterways Transport-ah hma an lak tan mek thu a tarlang. Hawnna Programme-ah hian Bialtu MLA, Pu Jeje Lalpekhlua chuan Minister hi tawiawmin Hnahthial mipuiten an nghahhleh em em, District Transport Office an nei ta chu lawmawm a tih takzet thu a sawi.

#ZONEWS Mamit October 17, 2025 : Vawiin khan 2-Dampa (ST) AC By-Election neihna tura inbuatsaihna hrang hrang enpuiin Sh.Vijay Gupta,Section Officer, Sh.Vibhor Agrawal, Under Secretary leh Sh.Hemant, Assistant Section Officer, Election Commission Of India te chuan District Election Office Mamit an tlawh a, Pu K.Laltlawmlova, District Election Officer kaihruainain DC Conference Hall, Mamit-ah, SP Mamit, RO, ARO leh Nodal Officers te nen meeting neih a ni.

#ZONEWS Aizawl October 16, 2025 : Vawiin khan Irrigation and Water Resources Department, Government of Mizoram chuan Brahmaputra Board meeting a thleng a, meeting hi Planning and Programme Implementation Department Conference Hall, Aizawlah neih a ni. Brahmaputra Board hi Brahmaputra leh Barak lui-a luang lut lui, NE States a lui hrang hrang te, enkawltu, thuneihna sang tak nei a ni a.

#ZONEWSMamit October 16, 2025 : Vawiin khan 2-Dampa (ST) AC By-Election neihna tura inbuatsaihna hrang hrang enpuiin Sh.Vibhor Agrawal, Under Secretary leh Sh.Hemant, Assistant Section Officer, Election Commission Of India te chuan District Election Office Mamit an tlawh a, Pu K.Laltlawmlova, District Election Officer kaihruainain DC Conference Hall, Mamit-ah, SP Mamit, RO, ARO leh Nodal Officers te nen meeting neih a ni.

#ZONEWS Lunglei October 16, 2025: Vawiin khan Lunglei District Election Office huaihawta Lunglei District chhunga zirna in hrang hranga Electoral Literacy Club (ELC)-te tana mipui rorelna ram nihphung tar lanna leh inzirtirna bang, "Wall of Democracy" insiamsiak buatsaiha ti ṭhate hnenah lawmman sem a ni. Lunglei Bawrhsap hna thawh pindana hun buatsaihah District Election Officer Pi Navneet Mann chuan lawmman hi a dawngtute kutah a hlan a.

#ZONEWS Aizawl October 16, 2025: Vawiin khan Chief Minister Pu Lalduhoma chuan a office-ah India Accelerator hotute chu meeting a neihpui a. Mizorama hma an lak theih dan ruahmanna an siam te a ngaihthlaksak. India Accelerator hian eizawnna lama hmalakna chi hrang hrangah mite a tanpui thin a, sum leh pai thlengin a ngaihtuah thei a ni. An hmalak theihna a tam avangin Mizorama kut an thlak theihna Department hrang hrang enkawltu Commissioner & Secretary te nen vawiin chawhnu lam khan meeting nei zui leh se, chumi hnuah a taka kalpui theih chite chu bawhzui ni se, an ti.

#ZONEWS Aizawl October 16, 2025: Vawiin khan CM Conference Hall-ah Chief Minister hovin Assam Rifles chhuahsan ram hman dan tur ngaihtuahtu Advisory Committee on AR Land te chu a tum thumna atan an thukhawm a. Rawtna lut hrang hrangte an thlirho. Pu K. Sapdanga, UD & PA Minister leh committee member te an kal tha hle. Meetingah hian Master Plan siam that chu an thlirleh a.

#ZONEWS Saitual October 16, 2025: Vawiin khan Gospel Centenary Hall, Saitual Venglaiah Samagra Shiksha, Saitual leh STAM tangkawp buatsaih District Level Children's Science Congress 2025 neih a ni a, District Bawrhsap Dr. Lalngura Tlau chu khuallian niin hun a hmanpui. He hunah hian District Bawrhsap Dr. Lalngura Tlau chuan thu a sawi a, Children's Science Congress buatsaihtute chu fakawm a tih thu sawiin, naupangteah hmasawnna a thlen ngei a beisei thu a sawi bawk.

#ZONEWS Aizawl October 16, 2025 : Vawiin khan district dang te rualin Samagra Shiksha leh STAM tangkawpin Edn. Conference hall, DEO office ah District Children Science Congress an hmang. He hunah hian Pi Laldingliani Ralte, DyDPC Samagra in opening function kaihruaiin, pu Nelson Khiangte, Dist Coordinator in report a pe a, khuallian pi K. Lalsiamliani, DEO leh DPC Samagra in child scientist te leh guide te fuihna thu a sawiin, participation kum dang aia a that avangin lawmthu a sawi bawk.

#ZONEWS Aizawl October 16, 2025: All India Inter -SAI Women (U-16) Hockey Championship 2025 Bangalore a neih zawh takah Mizoram Hockey State Training Centre, Thenzawl te chu an champion a. Directorate of Sports & Youth Services chuan vawiin chawhnu khan Sports & Youth Services Conference Hall-ah lawmna hun a buatsaih sak. Mizoram atanga SAI team kal te hi naupang 15 bakah an Coach Dipender Malik leh Manager Lalzawnchhungi te an ni a.

#ZONEWS Aizawl October 16, 2025: Vawiin khan Mizoram Flagship Programme Bana Kaih (Handholding) Scheme hnuaia Loan component chungchanga hmalakna thlirhona Quarterly Meeting chu Mizoram State Policy Coordination Committee (MSPCC) Vice Chairman Dr. KC Lalmalsawmzauva hovin Planning & Programme Implementation Department Conference Room-ah neih a ni. Partner Bank pathum aiawhte leh Implementing Department Nodal Officer-te an tel a ni. Vawiin meeting-ah hian Phase–I hnuaia loan pek tura committee in a thlan, bank in a lo hnawl takte chungchang sawiho a ni a.

#ZONEWS Siaha October 16, 2025 : District Programme Office, Siaha leh PM POSHAN, Siaha tangkawp chuan vawiin khan MADC Golden Jubilee Hall-ah 8th Rashtriya Poshan Maah celebration cum Thanks Giving day an hmang. He hun hi Pu Lalduhsanga, District Coordinator, PM POSHAN chuan a kaihruai a, Siaha District a PM POSHAN MAAH kalpui a nih dan leh an hmalakna hrang hrang a tarlang nghal.