Optare Solutions, consultora de servizos de Enxeñería e TI con sede en Vigo, foi seleccionada por catro das principais operadoras almacenistas de fibra ata o fogar (FTTH) de Polonia para deseñar unha API común (Interface de Programación de Aplicacións). As firmas Fiberhost, Nexera, Polski Światłowód Otwarty e Światłowód Inwestycje impulsan esta iniciativa colaborativa co obxectivo de estandarizar as comunicacións almacenistas de FTTH no país europeo.

A Universidade de Vigo e a Deputación de Pontevedra seguen a apostar “polo fomento dos estudos científicos e tecnolóxicos entre as mulleres”. Deste compromiso abrollan os Premios GirlGeekPower, que naceron en 2020 e que buscan poñer en valor traxectorias e perfís de mozas que cursan este tipo de estudos na UVigo.

Cinco meses despois do seu lanzamento, Clair Obscur: Expedition 33 consolídase como un fenómeno global ao superar os cinco millóns de copias vendidas en todas as plataformas. O xogo de rol desenvolvido polo estudio francés Sandfall Interactive e publicado por Kepler Interactive non só destaca polo seu éxito comercial, senón tamén pola resposta entusiasta da comunidade, que se manifestou a través de ilustracións, relatos, música e mesmo cosplays inspirados no universo do xogo.

A nova aplicación de xeración de vídeo de OpenAI, Sora, conseguiu situarse no primeiro posto da App Store dos Estados Unidos e superar, tecnicamente, o lanzamento de ChatGPT en iOS, segundo datos da firma de análise Appfigures. Durante os seus primeiros sete días de dispoñibilidade, Sora rexistrou 627.000 descargas en iPhone, fronte ás 606.000 que acadara ChatGPT na súa primeira semana.

Human Mobile Devices (HMD) presentou na India o HMD Touch 4G, un dispositivo que a marca sitúa nunha nova categoría de teléfono híbrido pensado para achegar prestacións de smartphone a prezo de teléfono básico. O teléfono, dispoñible a un prezo de 3.999 rupias (38,72 euros), está dirixido a usuarios sen experiencia no contorno dixital.

A cidade de Pontevedra vai dar acollida en outubro ao principal congreso sobre videoxogos e estudos do xogo de España, promovido pola asociación Digraes, capítulo español da Digital Games Resarch Association (DIGRA), e polo grupo de investigación V-NPC da Universidade de Vigo. A cita será na Facultade de Comunicación entre o 22 ao 24 de outubro.

A Real Academia Galega de Ciencias (RAGC) celebrou este mércores 8 de outubro en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou ao químico Fernando Calvet i Prats (Vilafranca del Penedès, Barcelona, 1903 - Barcelona, 1988) como Científico Galego 2025. Ademais, entregáronse as Medallas de Investigación a cinco destacadas/os científicas/os da nosa terra.

A Asociación de Empresarios de Ribeira (AER) vai acoller este mes de outubro unha actividade formativa dirixida a facilitar a transformación tecnolóxica das pemes locais. Trátase da xornada Estratexia dixital: redes sociais con propósito. Conecta coa túa audiencia: impacta e crece. Desenvolverase en formato presencial e terá unha duración de 6 horas.

As tendas dixitais de videoxogos teñen períodos de descontos frecuentes, para fomentar a compra, que non sempre atenden ao calendario, como é a nova campaña que emprenden na PlayStation Store chamada Player's Choice na que están a ofrecer unha ampla selección de xogos a prezo reducido por tempo limitado.

O Grupo de Investigación Laboratorio de Bases de Datos, adscrito á Facultade de Informática da Universidade da Coruña, vén de crear ALCMENA, un novo programa de mentoring de algoritmos competitivos para promover a formación algorítmica do alumnado de Educación Secundaria Obrigatoria (ESO) e Bacharelato de Galicia.

Como xa adiantamos dende Código Cero, a XGN Intermax AI Edition estase a preparar e terá lugar do 10 ao 12 de outubro no recinto Feira Internacional de Galicia Abanca de Silleda (Pontevedra). Informar que xa na tarde de mañá, xoves 9 de outubro, como é habitual, a XGN abrirá ás 16.00h as súas portas de xeito non oficial na súa xornada pre-party.

O Modo IA de Google leva meses despregándose por distintos países e en distintas linguas, estando dispoñible en español dende o mes pasado, pero non para España (como noutros países da Unión Europea), pero finalmente vai mudar a situación e hoxe anuncian o inicio da despregadura do Modo IA nas buscas de Google en España xunto a moitos outros territorios e idiomas.

Co obxectivo de facilitar a automatización de procesos de xestión e administración empresarial e protexer os datos das pemes de Melide e Arzúa, o pasado martes 30 de setembro o centro EFA Piñeiral con sede en Arzúa acolleu unha xornada formativa organizada pola firma tecnolóxica UNAYTA baixo o título Transformación Dixital nas Empresas: Innovación e Eficiencia Operativa a través da Dixitalización.

Do 18 ao 20 de novembro a Facultade de Filoloxía da Universidade de Santiago vai acoller a edición 2025 do Simposio do Instituto da Lingua Galega (Simposio ILG 2025), centrado na confluencia entre as máis avanzadas tecnoloxías e a nosa fala. Desenvolverase baixo o epígrafe A Intelixencia Artificial e a lingua galega: oportunidades e riscos.

O Banco Municipal de Reciclaxe Electrónica do Milladoiro, iniciativa de AGASOL e o Concello de Ames, imparte o sábado, 11 de outubro, unha charla informativa e obradoiro gratuíto no que as persoas participantes coñecerán como aproveitar ao máximo o seu computador cando xa non se pode actualizar a Windows 11. Esta actividade impartirase no antigo centro de saúde do Milladoiro, na rúa Agro do Medio, número 8, de 11:30 a 13:00 horas. A inscrición pódese realizar premendo na ligazón habilitada.

Boox, compañía que o ano pasado sorprendeu cun dispositivo con pantalla de tinta electrónica con formato de smartphone, prepara agora o lanzamento do seu novo lector electrónico compacto, o Boox Palma P6 Pro, un dispositivo con formato de móbil que incorpora pantalla E Ink a cor, conectividade móbil e compatibilidade con lapis dixital. A súa chegada ao mercado chinés está prevista para este xoves, aínda que por agora non se coñecen nin o prezo nin a súa dispoñibilidade internacional.

Google anunciou o lanzamento en vista previa do modelo Gemini 2.5 Computer Use, unha nova versión especializada construída sobre Gemini 2.5 Pro que permite crear axentes capaces de interactuar directamente con interfaces de usuario. A través da API de Gemini, os desenvolvedores poden acceder a esta tecnoloxía tanto en Google AI Studio como en Vertex AI.

Qualcomm Technologies anunciou a súa intención de adquirir Arduino, unha das compañías de hardware e software libre máis influentes do mundo. A operación, pendente de aprobación os organismos reguladores, permitirá á empresa estadounidense acelerar a súa estratexia para facilitar o acceso dos desenvolvedores ás súas tecnoloxías de computación e intelixencia artificial.

A Fundación Centro de Investigación en Tecnoloxías da Información e as Comunicacións de Galicia (Fundación CITIC) e o Ilustre Colexio Provincial de Avogados da Coruña (ICACOR) asinaron este martes 7 de outubro un acordo de colaboración co obxectivo de fortalecer os lazos entre os sectores xurídico e tecnolóxico, promovendo a investigación, o desenvolvemento e a innovación (I+D+i) no ámbito das Tecnoloxías da Información e as Comunicacións.

A Xunta de Galicia, a través da Secretaría Xeral da Lingua que dirixe Valentín García, colabora con 22 proxectos editoriais para favorecer o acceso universal á lectura e a creación literaria a través das subvencións para a edición de audiolibros e libros de lectura fácil.

O conselleiro de Cultura, Lingua e Xuventude, José López Campos, participou na mañá deste 7 de outubro nunha visita para comprobar o avance das obras do que será o primeiro Centro de Artes Dixitais de Galicia, infraestrutura que se está a construír na Cidade da Cultura, en Santiago. No percorrido, informou de que o nivel de execución dos traballos acada xa o 85% e reafirmou “o compromiso da Xunta de que estará rematado a finais de ano”.

Vitae Consultores vainos mergullar en novembro na técnica do job crafting ou construción de traballo: unha ferramenta que permite aos profesionais personalizar e redeseñar os seus postos laborais de maneira que se axusten mellor aos seus intereses e necesidades persoais. O curso Job Crafting: Redeseñar o posto de Traballo para aumentar a motivación, o compromiso e o desempeño dos Profesionais desenvolverase os días 11, 12 e 17 de novembro a través da aula virtual de Vitae e terá 9 horas de duración.

O secretario xeral de Emprego e Relacións Laborais, Pablo Fernández, participou hoxe na convocatoria de prensa de presentación da cuarta edición dos Ecommerce Days, unhas xornadas dedicadas ao comercio electrónico e ao márketing dixital organizadas polo Clúster do Ecommerce Galego e pola plataforma Marketing4eCommerce, que se celebrarán en Pontevedra os días 9 e 10 de outubro co apoio da Xunta de Galicia.

A Cátedra USC-Plexus en Intelixencia Artificial aplicada á Medicina Personalizada de Precisión (CAMELIA) culminou un curso intensivo dirixido a profesionais do Sergas para acelerar a integración da IA na práctica clínica, en colaboración coa Axencia Galega de Coñecemento en Saúde (ACIS) e PM4Gov. O programa desenvolveuse en setembro en catro xornadas celebradas no Hospital Clínico Universitario de Santiago e na Universidade de Santiago de Compostela, con participación de directivos, persoal técnico, de xestión e clínico.

O Salón de Actos Concepción Arenal do Campus Industrial de Ferrol acolle o vindeiro luns 13 de outubro, ás 11:30 horas, a primeira das conferencias do Ciclo Auto-Sinerx-IA. A Automática e a Intelixencia Artificial como Ferramentas para os Desafíos da Industria e da Sociedade, que organiza un grupo de profesores e profesoras do Departamento de Enxeñaría Industrial vinculados á Escola Politécnica de Enxeñaría de Ferrol (EPEF) grazas á convocatoria de axudas para a organización de xornadas divulgativas e ciclos de conferencias da Vicerreitoría de Divulgación, Cultura e Deporte da Universidade da Coruña (UDC).