ئەی وەتەن گەر ژین هەبێ، حەققا کە تــۆ ژینی منی
نامەوێ سەیری گوڵستان، تــۆ کە پەرژینی منی

ئاورم بۆ هێزی دوژمن چونکە تـــۆ تینی منی
قیبلەکەم، ئیمانەکەم، پەیمانەکەم، دینی منی !!!!

#مامۆستا_نووری

گەر بە تیری عیشوە جەرگم پارە کا گاهێ بە ناز
ماڵی ئاوا بێ بە خەندەی لێوی دەرمانم ئەکا

من شکاتی دڵپەرێشانیم لە گێسوی کردووە
ئەو حەواڵەی مەحکەمەی زوڵفی پەرێشانم ئەکا

من بە خۆشخوانی کە مەشهوورم لە باغی عیشقدا
ئەو بە سوختەی بولبولی بێ نوتق و نادانم ئەکا

#ناری

شەو کە دادێ
هەرچی ئەستێرەن
لە چاوی تۆ دەچن

وەک خەیاڵت
پاکی ئەستێرەی سەما
دێنە سەما

#ئاسۆ

تا تایی سەری توڕڕەیی پڕ پێچشی با دا
هەر تایەکی بارێکی گوڵ و نافە بە با دا

گوڵ هاتەدەرێ، لافی لە حوسنی بوتی ما دا
لەرزیی قەدی بەرزی، لە ڕقا زوڵفی کە با دا

#نالی

چاوەکەت وەختێ بە ئیما مەیلی جامی مەی دەکا
ھەرچی مەی دەیکا لەگەڵ ئەو، ئەو لەگەڵ ئێمەی دەکا

#سالم

چەن ساڵە تا سوو ڕەو ها خەوم،ڕەو
‏کڵاش لە گیرفان،چەوەیل لە وەرقەو
‏جادەیل° جەهان گەردیمه هەر شەو
‏تا کەێ پەشێوی ئاسمان کەو؟
‏چەوەیلم ڕەم کەن،ڕامێان تنی
‏لەێ چراخەیلە،کامێان تنی؟

‏⁧‫#جه‌لیل_ئاهه‌نگه‌رنژاد‬⁩

لە دڵما هێندە جێگیرە، ئەمین بە گیانی شیرینم
لە قەبریشا کە مردم، مەیلی تۆ یەک زەڕڕە کەم ناکا

‫#کەمالی‬

هاتە بیرم پێت گوتم دێوانە و عاشق مەبە
خۆت دەزانی هەر کەسێ عاشق نەبێ دێوانەیە
#خاڵە_قازی

کە دیم ئادەم نەوەی وەک تۆ لە پشتی دێتە دنیاوە
سوجوودی ئادەمم برد، ڕەجمی شەیتانی لەعینم کرد

مورادم مەدحی زوڵف و ڕووی نیگاری شۆخەکەی خۆمە
کە هاتم وەسفی ماچین و نیگارستانی چینم کرد

‫#کەمالی‬

دەردی ئەشقت ئەی پەری، دەرمان و تەدبیری نییە
هەر کەسێ مەجنوونی ڕووتە باکی زنجیری نییە

مەحرەمێ دەست ناکەوێ دەردی دەروونی پێ بڵێم
دەست و پەنجەم قووەتی نووسین و تەحریری نییە

#سابیری

فکر و زیکرم هەر لە لای ئاڵا و ڕەنگی پەرچەمە
‏پەرچەمێکی کوردەواری و پەرچەمێکی خاوی تۆ

‏⁧‫#خاڵە_قازی‬⁩

مەنعی قوللابی موژەی ناکەم لە ڕاکێشانی دڵ
بۆ! ئەسیری چاوی مەستی پڕ خەوی ئەیباتەوە

وا سەرم دانا بە عەزمی بەردەبازی ڕێگەکەت
مەرهەمی دەردی سەری من وا بە گەردی پاتەوە

گەر دەپرسی حاڵی پەروانەی دڵم دوور بێ لە ڕووت
وا لە سۆزشدا لە سایەی شەوچرای گۆناتەوە

#ناری

مە‌پێڪە‌ دڵ بە ‌غە‌مزە‌ و نووڪے تیرم
بە‌ داوے چاوے مەستے تۆ ئـەســیرم

گەیشته‌ ئە‌وپەڕے جوانے جــــــە‌ماڵت
زه‌ڪاتم پێ‌ ڪەره‌م ڪە زۆر فه‌قیرم

#حەقیقی

کوردستان هەر وڵاتێکە و نابێ بە چوار