Esta presentación ofrece unha radiografía clara e directa da crise que afecta ao servizo de extinción de incendios de Vigo, un conflito que se arrastra no tempo e que ten consecuencias directas tanto nas condicións laborais do persoal como na seguridade da cidadanía. A través da análise dos feitos, ponse o foco nas carencias estruturais, na falta de recursos e na xestión do servizo, elementos clave para comprender a dimensión real do problema. Ao mesmo tempo, este contido pretende dar contexto e voz a unha situación que non pode seguir sendo invisibilizada, subliñando a importancia dun servizo público esencial que require solucións urxentes.

Estes días, o albergue municipal foi motivo de noticia e controversia pola campaña de frío iniciada polo concello de Vigo, a cal foi cuestionada por axentes sociais por considerala insuficiente e tardía. Lendo os comentarios dos cidadáns na sección de opinións, non podo deixar de reflexionar sobre a gran desinformación que existe na cidade acerca do dispositivo. Quería fiar unhas cantas ideas ao respecto: A chegada do albergue foi unha gran noticia para a cidade. Reduciu a mortalidade das persoas sen fogar, e é un servizo moi necesario, que se acadou despois de anos de traballo e presión diaria e incansable de colectivos como IMÁN.

Hansi Flick non quería sorpresas e o Barcelona tivo que poñer o mono de traballo para tombar a un Racing de Santander xigante que vendeu carísima a súa pel Co eco dos festexos da Supercopa aínda resoando e o susto no corpo polo que lle pasou onte ao Real Madrid, o FC Barcelona presentouse en Santander sabendo que O Sardinero non regala nada. Hansi Flick, vello raposo, non se fiou nin un chisco: sacou a artillería pesada, con apenas retoques na medular onde Bernal, Casadó e Olmo levaban a batuta, e coa entrada de Rashford para dar descanso a Raphinha.

O presidente da Deputación, acompañado pola vicepresidenta e deputada de Deportes, Luisa Sánchez; e o deputado de Turismo, Jesús Vázquez Almuíña, estrea por segundo ano seguido a campaña de Turismo Rías Baixas na provincia, no Pazo Los Escudos de Vigo O presidente da Deputación de Pontevedra, Luis López, presenta a nova campaña de promoción do destino turístico Rías Baixas para o presente ano 2026 centrada por primeira vez no turismo deportivo. Baixo o lema, “A túa meta, o teu destino”, os 61 concellos da provincia amósanse como un auténtico polideportivo ao aire libre no que tanto afeccionados como profesionais do deporte poden desfrutar de calquera tipo de actividade física en solitario, en equipo ou en familia os 365 días do ano nunha contorna natural excepcional.

A Autoridade Portuaria coordina con éxito a atracada do buque ‘Maria Francisca’ tras sufrir un corremento de carga debido ao temporal en augas portuguesas O Porto de Vigo volveu facer gala da súa capacidade operativa e seguridade, como porto refuxio do Atlántico, ao xestionar con éxito a chegada do buque portacolectores 'Maria Francisca'. O navío, que tiña contemplado traballar nos portos de Vigo e Leixões, viuse sorprendido na tarde de onte por un forte temporal ao sur de Aveiro (Portugal), o que provocou un corremento de parte da súa carga, composta principalmente por colectores con granito, cacao e aceite de palma, así como a perda de varios colectores en augas lusas, lonxe da costa galega.

O Diario Oficial de Galicia publica hoxe a convocatoria para o curso 2026-2027, dotada con 2,55 M€ e promovida pola Consellería de Emprego, Comercio e Emigración a través da Secretaría Xeral da Emigración  O Diario Oficial de Galicia publica hoxe a nova convocatoria para o curso 2026-2027 das Bolsas de Excelencia Mocidade Exterior, promovida pola Consellería de Emprego, Comercio e Emigración a través da Secretaría Xeral da Emigración. O orzamento, de 2,55 millóns de euros, permitirá a 250 mozos e mozas completar en Galicia a súa formación académica cursando no vindeiro curso académico algún dos máis de 95 mestrados seleccionados polo seu maior potencial de empregabilidade nas tres universidades públicas galegas.

Mantense o nivel de aviso laranxa que xa estaba activo na costa da Coruña e nas Rías Baixas, e esténdense á zona do Miño A Xunta amplía a alerta laranxa por temporal costeiro activado para hoxe no litoral da Coruña e nas Rías Baixas de Pontevedra a toda a costa pontevedresa coa inclusión da zona do Miño. Co fin de garantir a seguridade dos bens e as persoas, a Dirección Xeral de Emerxencias e Interior, da Consellería de Presidencia, Xustiza e Deportes, informou da situación a través do Centro Integrado de Atención ás Emerxencias 112 Galicia aos concellos das provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros.

A directora do Igape, Covadonga Toca, participou na inauguración do ‘Startup Day Incubación’ desta aceleradora, onde puxo en valor o ecosistema galego de innovación e o modelo de apoio ao emprendemento impulsado pola Xunta A directora do Igape, Covadonga Toca, participou esta mañá na inauguración do ‘Startup Day Incubación’ da Bussiner Factory Sport (BFSport), onde puxo en valor o papel desta aceleradora como ferramenta estratéxica para impulsar o emprendemento innovador no ámbito do deporte e do benestar. Durante o acto, celebrado no Real Club Náutico de Vigo, Toca Carús destacou que Galicia vive “un momento especialmente favorable para a innovación”, cun ecosistema “diverso, equilibrado e en crecemento”, no que a innovación se estende a todo o territorio e a múltiples sectores.

Co inicio do ano, a Unidade de Igualdade lanza unha nova edición, a terceira, da revista Gender on Digital. Journal of Digital Feminism, unha publicación que botou a andar en 2023 ao abeiro da Cátedra de Feminismos 4.0 DEPO-UVigo. Este novo volume céntrase nas violencias machistas dixitais e comprende artigos de investigación, revisións e recensións arredor deste tema. Como explica o equipo responsable da revista, liderado pola directora da Unidade de Igualdade, Yolanda Rodríguez Castro, “abórdase un dos retos máis complexos e urxentes da nosa sociedade contemporánea: as violencias sexuais que se reproducen e transforman nas contornas dixitais”.

Unha representación da CIG mantivo hoxe unha encontro co secretario xeral de Emprego da Xunta para abordar a aplicación deste instrumento A CIG denuncia que o Fondo Europeo de Adaptación á Globalización para Traballadores Despedidos (FEAG) é a “coartada perfecta” da UE, do Estado español e da Xunta para “ocultar” o desmantelamento industrial de Galiza. Unha representación da central mantivo hoxe unha xuntanza co secretario xeral de Emprego para abordar os detalles da aplicación dun instrumento que, “lonxe de resolver os problemas estruturais do emprego industrial no noso país, evidencia o fracaso absoluto das políticas industriais autonómicas”, tal e como sinala o secretario confederal de Negociación Colectiva, Emprego e Industria da CIG, Paco Sío.

“Preocúpanos a situación enerxética que vive España”, di Lorenzana, para remarcar que “á industria e á enerxía hai que tratalas como un todo porque as empresas hoxe en día non poden vivir sen enerxía barata” e sen acceso a unha rede de transporte eléctrico adecuada A conselleira de Economía e Industria, María Jesús Lorenzana, avogou hoxe por que Administración, empresas e cidadanía traballen en equipo para xerar consensos fronte ao negacionismo industrial e a postura do non a todo. “Se todos seguimos remando dentro dese equipo imos poder construír unha Galicia máis moderna, con emprego de calidade e servizos sociais que se poidan seguir mantendo ao nivel en que se mantiveron os últimos anos”, manifestou.

Caballero anunciou o inicio do proxecto de ramplas de mecánicas que unirá Praza de España e Praza de América. Tal e como explicou, o Concello xa conta cos permisos pertinentes para acometer os dous primeiros tramos das obras, os comprendidos entre a rúas Gerona e Tarragona e entre Tarragona e Islas Baleares Caballero anunciou esta mañá o inicio inmediato do proxecto das ramplas mecánicas entre Praza de América e Praza de España. A Xunta de Goberno aprobará a semana que vén a fase que unirá as rúas Gerona y Tarragona que conta cun orzamento de 8 millóns financiados con Fondos FEDER.

Comprométese a actuar con rigor e procurar o benestar das persoas “Creo que temos unha boa universidade, pero temos que loitar por unha universidade excelente”, asegurou esta mañá a candidata á Reitoría da UVigo por H2040, Belén Rubio Armesto, nun encontro con xornalistas no que debullou algunhas das ideas e accións que prevé desenvolver caso de converterse na primeira reitora da institución académica viguesa. Rubio, que fora proclamada candidata de H2040 en setembro do ano pasado, confirmou esta mañá a creación dunha Vicerreitoría de Innovación Tecnolóxica destinada a axilizar os procedementos e optimizar os procesos, porque “ a burocracia cómenos”, asegurou; así como a súa intención de redistribuír o persoal en función das necesidades e circunstancias, nomeadamente o avellentamento e o descenso previsto no número de estudantes; así como continuar achegando a Universidade á sociedade.

A Xunta presentou en Badaxoz, xunto con Avincis e Telespazio, os resultados da súa participación no Plan Complementario de I+D+i de Biodiversidade A Xunta de Galicia desenvolveu 24 proxectos para a observación e vixilancia da biodiversidade baseados en tecnoloxías innovadoras embarcadas en vehículos e sistemas non tripulados, nos que participaron máis de 400 profesionais, no marco do Plan Complementario de I+D+i de Biodiversidade. O goberno galego presentou hoxe en Badaxoz, xunto coas empresas Avincis e Telespazio, os resultados dos proxectos desenvolvidos na súa participación no Plan Complementario de I+D+i de Biodiversidade, aos que prevé dar continuidade no marco da Iniciativa Estratéxica en Seguridade, Defensa e Aeroespazo (Iesda).

A central remitiulle un novo escrito á FEGAMP instando a convocar canto antes a mesa de traballo para abordar o documento final A CIG-Servizos insiste na necesidade de axilizar a elaboración e aprobación do protocolo de prevención e actuación ante situacións de violencia nos Servizos de Axuda no Fogar (SAF), polo que no día de onte volveu remitirlle un escrito á Federación Galega de Municipios e Provincias (FEGAMP) para que convoque con urxencia a mesa de traballo sobre o documento que ten que servir para garantir a seguridade e integridade das persoas traballadoras do sector da atención domiciliaria.

Pide corrixir as demoras de anos anteriores que “supoñen estrangular economicamente" a asociacións que “cubren carencias e necesidades que non atende o propio Concello” O Bloque Nacionalista Galego reclama que se anticipen ao primeiro trimestre do ano todas as convocatorias de subvencións do Concello de Vigo destinadas a asociacións e entidades sen ánimo de lucro. A fronte nacionalista esixe ademais transparencia e criterios obxectivos na tramitación para que o Goberno de Abel Caballero “deixe de utilizar estes recursos municipais para castigar a aqueles colectivos que discrepan". O portavoz municipal do BNG de Vigo, Xabier P.

O seu labor de mentoría deu lugar a unha consolidada rede internacional de profesionais Arredor de 70 especialistas procedentes de 9 países -14 nacionalidades-, pertencentes a 20 institucións científicas de referencia internacional participaron este xoves en Vigo no simposio Fronteiras nas Nanostruturas Plasmónicas, un evento dedicado a celebrar o 60 aniversario do profesor Luis Liz-Marzán e as súas contribucións pioneiras á investigación en nanocristais coloidais e nanoplasmónica. O encontro, organizado polos docentes da Universidade de Vigo Isabel Pastoriza e Lakshminarayana Polavarapu, discípulos ambos do profesor Liz-Marzán, reuniu no Museo de Arte Contemporáneo de Vigo a membros actuais e antigos do seu grupo de investigación que hoxe desenvolven a súa carreira en institucións científicas de referencia, na industria e na docencia.

O Diario Oficial de Galicia publica hoxe a resolución das subvencións mediante as que o Goberno galego colabora con 83 entidades A Xunta de Galicia colaborará este ano con 83 entidades no desenvolvemento dun total de 153 programas sociais divididos en dúas liñas de actuación, unha destinada á xuventude e outra ao voluntariado. Trátase dunhas subvencións que contan cun orzamento de 1,7 M€ con cargo ao 0,7 % do IRPF e cuxa resolución se publica hoxe no Diario Oficial de Galicia. Así, 27 entidades xuvenís cumpren cos requisitos da convocatoria para levar a cabo 66 programas que teñen que ver coa xuventude, mentres que son 56 os grupos de acción voluntaria que acceden ás axudas para impulsar 87 propostas neste eido.

O luns 23 de marzo máis de 2.000 nenas e nenos de colexios públicos e concertados de Vigo participarán na décima edición do desfile da “Reconquistiña” que conflúe na Porta do Sol, segundo anunciou este xoves Abel Caballero. Apuntou que en 2025 o alumnado de 37 centros protagonizou a cita infantil da Festa da Reconquista de Vigo O alcalde destacou a importancia dun dos actos “máis reseñables” da Festa da Reconquista, que arrincará o 21 de marzo co cese da corporación afrancesada e contará cos días 27,28 e 29 de marzo como eixos centrais da celebración.

Na presentación do ‘Plan de benestar dixital’ a central lembroulle que “o benestar conséguese con condicións de traballo dignas e apostando polo ensino público” Ás dez da mañá no Edificio Fontán da Cidade da Cultura daba comezo a presentación do Plan de Benestar Dixital a cargo do conselleiro de Educación e de varios altos cargos do seu departamento. Un grupo de delegados e delegadas da CIG-Ensino concentrouse ás portas da sala de eventos para “visibilizar que queremos comezar unha negociación para mellorar as condicións laborais do profesorado”, en palabras de Diego Boquete, responsábel de Acción Sindical.

O reitor e o conselleiro de Educación asinaron este mediodía o convenio para a súa creación O Vigo Quantum Communication Center da UVigo (VQCC) acollerá proximamente un laboratorio compartido especializado en computación cuántica óptica, que contará cun investimento de 2,4 M€ e no que se traballará no desenvolvemento dun procesador cuántico. O reitor da UVigo, Manuel Reigosa, e o conselleiro de Educación, Ciencia e Universidades e FP, Román Rodríguez, asinaron hoxe o convenio que permitirá, segundo Reigosa, “complementar o que xa tiñamos de comunicación cuántica, onde estamos na liña de competir con calquera no mundo e agora póñense as ferramentas para que nuns anos en computación cuántica Galicia teña voz propia e poida presumir”.

Nos servizos de atención hospitalaria o seguimento da folga é do 4,87% O seguimento da folga sanitaria a nivel nacional convocada contra o Estatuto Marco promovido polo Goberno central, na quenda de tarde deste xoves, foi do 4,59% nos centros sanitarios da comunidade galega. Así, a porcentaxe de participación nos sete grandes hospitais do Servizo Galego de Saúde, na quenda de tarde acadou o 5,85%. En canto aos hospitais comarcais, o seguimento foi do 0%. No seu conxunto, a actividade hospitalaria contou cunha participación na folga do 4,87%. Pola súa banda, no que respecta á atención primaria o seguimento da folga en rexeitamento do borrador presentado polo Ministerio de Sanidade acadou o 4,57% de participación.

A CIG-Saúde denuncia un ano máis o colapso das urxencias nos hospitais galegos, cunha situación que lonxe de mellorar empeora progresivamente. A situación dos servizos de urxencias de todos os hospitais galegos é crítica, con multitude de pacientes pendentes de cama de hospitalización que permanecen nos servizos de urxencias durante días, saturando uns dispositivos xa de por si insuficientes. As urxencias volven estar ateigadas de pacientes, moitas destas persoas amoreadas nos corredores, sen as condicións mínimas de intimidade nin de calidade asistencial. Segundo o sindicato, o colapso xa non é un feito puntual senón unha realidade estrutural que se prolonga durante máis días e cunha maior gravidade cada ano.

Foi preciso excarcerar á vítima. O accidente ocorreu arredor das 17:30 horas, no quilómetro 53 da LU-633. O particular que informou ao 112 Galicia indicou que bateran contra unha furgoneta, na que o condutor quedaba ferido e sen poder saír dela. O alertador ía nun camión con remolque. Decontado, os xestores do 112 Galicia informaron ao Servizo de Urxencias Sanitarias de Galicia-061, aos Bombeiros de Sarria, á Garda Civil de Tráfico e á Policía Local. Os servizos de emerxencias acudiron ata a zona, pero non puideron evitar o falecemento do ocupante da furgoneta, o cal tivo que ser liberado empregando o material de excarceración.

Gómez Caamaño destaca que, grazas á xenerosidade dos galegos e á profesionalidade dos equipos dos hospitais, Galicia consegue realizar máis dun transplante diario O conselleiro de Sanidade, Antonio Gómez Caamaño, presumiu da solidariedade sen límites da cidadanía galega ao dar a coñecer que Galicia volve bater o seu propio récord con 429 transplantes e 143 doadores de órganos durante o ano 2025. Así o indicou nunha rolda de prensa de balance da actividade en materia de transplantes da Axencia Galega de Doazón de Órganos (ADOS), na cal estivo acompañado da directora da axencia, Marisa López, e pola coordinadora autonómica de transplantes, Encarnación Bouzas.