Kei Muriwai māua i te ata nei, kāore i a au ōku kākahu kauhoe. He wāhi pai, engari he haunga pea nō te tiko o ngā kāhui manu, arā te tākapu. Me hoki au ki te mahi- whakanuia te raumati!

Kei te roto o Wainamu māua i te ata nei, tata ki Bethels, Tāmaki makaurau. I te kauhoe ētahi, i te hīkoi noa ētahi atu. He pōuri nō te katinga o ngā ara i te taha o te roto. Heoi anō he hua tonu tō māua taenga ki reira.

Kei te tihi o Kakepuku māua ko taku wahine. Ko te pae maunga Pirongia i muri iho i au. Ka hekeheke iho te werawera, me whakapakari tonu e māua te tinana mō ēneki momo pikipikinga, ēneki momo kakekakenga -

I Anawhata māua i te ata nei, tata rawa ki Piha, kei te taha raro. Me hīkoi i tētahi ara tāhekeheke ki te oneone. Tokoiti ngā tāngata ka taetae rawa atu ki tēnei wāhi mīharo, whakaurua ki tō ake rārangi pakete! mō te tau nei. #te reo Māori

I Whatipu mātou nōnanahi, he tahatai i te uru o Tāmaki Makaurau, he wāhi tino pai ki a au, kāore au i kauhoe, i hī ika rānei. He nui ngā ara hīkoi ngahere i konei. E aha ana koe i te raumati? #te reo Māori