ၼႂ်းၶၢဝ်းၼႆႉ ၾိင်ႈၾႃႉရႃႇသီႇ ၵတ်းႁႅင်းၼႆႉ ႁဵတ်းႁႂ်ႈပဵၼ်တၢင်းပဵၼ်ငၢႆႈလႄႈ ႁဵတ်းႁႂ်ႈလႆႈႁၢင်ႈႁႅၼ်း တႃႇတေတူၺ်းထိုင်ပၢႆးယူႇလီတူဝ်ၵဝ်ႇ ၵွပ်ႈၼႆလႄႈမိူဝ်ႈၼႆႉ မီးလွၵ်းလၢႆးလုမ်းလႃးတူဝ်ၸဝ်ႈၵဝ်ႇမိူဝ်ႈၽွင်းၶၢဝ်းၵတ်းမႃးၾၢၵ်ႇ 1. ဢွၵ်ႇဢဵၼ်ႁႅင်းယူႇတႃႇ​​သေႇ လွင်ႈလဵၼ်ႈႁႅင်းယူႇတႃႇသေႇၼႆႉ ၸွႆႈႁႂ်ႈ ႁႅင်းၶၢမ်ႇတူဝ်ႁဝ်း ၵႅၼ်ႇၶႅင် လႄႈႁႂ်ႈၵႆယၢၼ်တၢင်းပဵၼ်ၼႆယူႇ။ 2. ၵိၼ်ပၼ်တၢင်းၵိၼ်ဢၼ်မီးဢႁႃႇရ ၵိၼ်ပၼ်ထၢတ်ႈဢႁႃႇရႁႂ်ႈ​​ၸေး 5 မဵဝ်း ၵမ်ႈၼမ်ႁႂ်ႈၵိၼ်ပၼ်ၽၵ်းၶဵဝ် / မၢၵ်ႇမႆႉမၢၵ်ႇတွၵ်ႇ ဢၼ်မီး vitamin C ၼမ်ၼမ် ယွၼ်ႉဝႃႈ vitamin C ၼၼ်ႉ ၸွႆႈႁႂ်ႈႁႅင်းၶၢမ်ႇတူဝ်ၵႅၼ်ႇၶႅင် တူဝ်ၶိင်းမီးႁႅင်းတေႃႇသူႈတင်းတၢင်းပဵၼ်။ 3. လိုဝ်ႉႁိူဝ်ႉပၼ်ႁႂ်ႈၵုမ်ႇထူၼ်ႈ ႁႅင်းၶၢမ်ႇတူဝ်ၼႂ်းတူဝ်ၵူၼ်းႁဝ်းၼၼ်ႉ တေႁဵတ်းၵၢၼ်လႆႈတဵမ်ထူၼ်ႈ သင်ဝႃႈတူဝ်ႁဝ်း လႆႈလိုဝ်ႈႁိူဝ်ႉတဵမ်ထူၼ်ႈ လိူဝ်​​သေၼၼ်ႉယဝ်ႉ မိူဝ်ႈၽွင်းႁဝ်းၼွၼ်းလပ်းၼၼ်ႉ တူဝ်ၶိင်းႁဝ်းၵေႃႈ တေၸွႆႈမႄးၵုမ်းလုမ်းလႃးပၼ်ၶိူင်ႈဢင်ႇၵႃႇၼႂ်းတူဝ်ၵူႈတွၼ်ႈတွၼ်ႈ ၸိူဝ်းလုၵႂႃႇၼၼ်ႉပႃးထႅင်ႈ ယွၼ်ႉၼၼ်လႄႈ သင်ဝႃႈ ဢမ်ႇၶႂ်ႈပဵၼ်တၢင်းပဵၼ်ၼႆ ထုၵ်ႇလီၼွၼ်းလပ်းပၼ်ႁႂ်ႈၵုမ်ႇထူၼ်ႈ ၼိုင်ႈဝၼ်းၼႆႉ တီႈဢေႇသုတ်း 7-8 ၸူဝ်ႈမူင်း ၼႆယဝ်ႉ ။ 4. […] The post 6 လွၵ်းလၢႆးလုမ်းလႃးတူဝ်ၽွင်းၶၢဝ်းၵတ်း appeared first on တႆးလွတ်ႈလႅဝ်း.

ယူႇတီႈပေႃႈမႄႈၵူၼ်းမိူင်း လႄႈၶွင်ႇသီႇဢဝ်ၶိုၼ်းၸိုင်ႈတႆး / တပ်ႉသိုၵ်းၸိုင်ႈတႆး ႁူမ်ႈၵၼ်သေ တေၸတ်းႁဵတ်းပၢင်ပွႆးဝၼ်းၸိူဝ်ႉၸၢတ်ႈၸိုင်ႈ တႆး ၶွပ်ႈႁွပ်ႈထိုင် (78 ) ပီႊတဵမ် ၼႂ်းဝၼ်းထီႉ 7 / February / 2025 ၼႆလႄႈ ယူႇတီႈၵေႃပွင်ပဵၼ်ပၢင်ပွႆးဝၼ်း ၸိူဝ်ႉၸၢတ်ႈ ၸင်ႇလႆႈမီးလိၵ်ႈၽိတ်ႈမွၵ်ႇထိုင်မႃးယူႇၶႃႈယဝ်ႉ။ ပၢင်ၵႅဝ်ႈဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 78 ပီႊ ၼႆႉတေၸတ်းႁဵတ်းၼႂ်းဝၼ်းထီႉ 5 − 8 / February / 2025 ဢွင်ႈတီႈ ပၢင်ႇပၢင်ပွႆးငမ်းယဵၼ် ၊ ထုင်ႉၼႃးသႃလေး၊ ဢိူင်ႇၼႃးဝွၼ် ၊ ၸႄႈဝဵင်းမိူင်းပၼ်ႇ ၊ ၸႄႈတွၼ်ႈလၢင်းၶိူဝ်း၊ ၸိုင်ႈတႆးပွတ်းၸၢၼ်းၵႂႃႇသေ လႆႈၽိတ်ႈမွၵ်ႇထိုင်ဝႆႉတီႈ ႁူဝ်ပဝ်ႈၶွင်ႇသီႇဢုပ်ႉပိူင်ႇ ၸိုင်ႈမိူင်းႁူမ်ႈတုမ် ၸွမ်ၸိၵ်းသိုၵ်း မိၼ်းဢွင်ႇလၢႆႇ၊ တီႈ ၽူႈၵွၼ်းတိူင်းသိုၵ်း ဝၼ်းဢွၵ်ႇ (တူၼ်ႈတီး) ၊ ၽူႈၵွၼ်းတိူင်းသိုၵ်းဝၼ်းဢွၵ်ႇၵၢင် (ၶူဝ်လမ်) […] The post ၽိတ်ႈမွၵ်ႇထိုင် ပေႃႈမႄႈပီႈၼွင်ႉၵူၼ်းမိူင်း ၶဝ်ႈႁူမ်ႈပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ78 ပီႊတဵမ် appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 23 January 2025 (လိူၼ်ၵမ်လွင်ႈ 10 ၶမ်ႈ ပီႊတႆး 2119 ၼီႈ) သိုၵ်းထႆး ဢၼ်ဢွၵ်ႇလဵပ်ႈယၢမ်းၼၼ်ႉ လႆႈမီးလွင်ႈပိုတ်းယိုဝ်းၸွမ်း ၵူၼ်းတေႃႉသူင်ႇယႃႈမဝ်း ၵမ် မွၵ်ႈ 10 မိၼိတ်ႉ ၼႂ်းပိုၼ်ႉတီႈ ဝၢၼ်ႈၸတီး ဢိူင်ႇထိူတ်ႉထႆး ၸႄႈဝဵင်းမႄႈၾႃႉလူင် ၸႄႈတွၼ်ႈၵဵင်းႁၢႆး ယၢၼ်ႁၢင်ႇၸွမ်းလႅၼ်လိၼ် တႆး−ထႆး မွၵ်ႈ 2 ၵီႇလူဝ်ႇမီႇတိူဝ်ႇ သေ တီႉၺွပ်းလႆႈယႃႈဢၢႆႉသ် 540 ၵီႇလူဝ်ႇၵရမ်ႇ၊ ယႃႈမ 800,000 မဵတ်ႉ ၼႆယဝ်ႉ။ ၼွၵ်ႈလိူဝ်သေၼႆႉ မိူဝ်ႈဝၼ်းထီႉ 23 January 2025 ဝၼ်းလဵဝ်ၵၼ်ၼၼ်ႉၵူၺ်းၼင်ႇ ၵဝ်ႇ ၸဝ်ႈၼႃႈတီႈထႆး တီႉၺွပ်းလႆႈ ယႃႈဢၢႆႉသ် ႁူမ်ႈၼမ်ႉၼၵ်း 600 ၵီႇလူဝ်ႇၵရမ်ႇ၊ ၾူၼ်း 2 လုၵ်ႈ ဢိၵ်ႇတင်း ၵူၼ်းႁေႃႈၵႃးတေႃႉသူင်ႇ 1 […] The post သိုၵ်းထႆး ပိုတ်းယိုဝ်းၵူၼ်းတေႃႉယႃႈ တီႈလႅၼ်လိၼ် တီႉၺွပ်းလႆႈယႃႈတင်းၼမ် appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 21−22 January 2025 ၸုမ်းသိုၵ်းမၢၼ်ႈ ၸိူဝ်းၵႂႃႇပၵ်းတပ်ႉဝႆႉတီႈ ႁိမ်းဝၢၼ်ႈၼမ်ႉမူဝ် ဢိူင်ႇၼွင်ႁီး ၸႄႈဝဵင်းၼမ်ႉၸၢင် ၵႂႃႇလၵ်ႉဢဝ်ၶူဝ်းၶွင်ၵူၼ်းမိူင်း ၽွင်းပၢႆႈၽေးၸုမ်းသိုၵ်း SSPP ဝႃႈၼႆ။ ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ မိူဝ်ႈၵၢင်လိူၼ်ၼႆႉ ၸုမ်းသိုၵ်း SSPP ယိုဝ်းမၢၵ်ႇလူင် ၶဝ်ႈၼႂ်းဝၢၼ်ႈၵူၼ်းမိူင်း လႄႈ ၵူၼ်းမိူင်းဢွၼ်ၵၼ်ငိူင်ႉပၢႆႈ ၵမ်းၼၼ်ႉ ၸုမ်းသိုၵ်းမၢၼ်ႈ ၸိူဝ်းပၵ်းတပ်ႉဝႆႉတီႈႁိမ်းဝၢၼ်ႈၼမ်ႉမူဝ် ၶဝ်ႈၵႂႃႇလၵ်ႉဢဝ် ၶူဝ်းၶွင်ၵူၼ်းမိူင်း၊ ဢၼ်ၶႃႈႁဝ်းႁူႉတႄႉ တေမီးယူႇ 4 လင်ႁိူၼ်း ပဵၼ်ႁိူၼ်း ၸၢႆးယွင်+ၼၢင်းဢူး သုမ်းၵႆႇ 2 တူဝ်၊ ပႃႈယူင်ႇ သုမ်းလဝ်ႈ 2 ပုင်း (ပုင်း 20 လိတ်ႉ)၊ ႁိူၼ်းပႃႈၵျႃႇ လႄႈ ႁိူၼ်းပႃႈသူၺ်ႇၸိင်ႇၵေႃႈ ၺႃးသိုၵ်းမၢၼ်ႈ ၶဝ်ႈယႃႉမိူၼ်ၵၼ် ၵူၺ်းဢမ်ႇပႆႇႁူႉဝႃႈ ၶဝ်သုမ်းသင်လၢႆလၢႆ ဝႃႈၼႆ။ ၵွပ်ႈပိူဝ်ႈလၢႆးႁဵတ်းသၢင်ႈၸုမ်းသိုၵ်း SSPP သေ ၵူၼ်းမိူင်းၼႂ်းဢိူင်ႇၼွင်ႁီး လႆႈပၢႆႈၽေးတင်းၼမ်တင်းလၢႆ […] The post သိုၵ်းမၢၼ်ႈလၵ်ႉၶူဝ်ၶွင်ၵူၼ်းမိူင်းၼမ်ႉမူဝ် appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 21 January 2025 (လိူၼ်ၵမ်လွင်ႈ 8 ၶမ်ႈ ပီႊတႆး 2119 ၼီႈ) ယၢမ်းၵၢင်ၼႂ်ၸဝ်ႉမွၵ်ႈ 3:00 မူင်းပၢႆ ၾႆးၵိုင်ႉၵၢင်ႉလုၵ်ႉမႆႈႁိူၼ်းၵူၼ်းမိူင်းလင်ၼိုင်ႈ တီႈၼွင်ၶေႉ ပွၵ်ႉမၢႆ 5 ဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဝႃႈၼႆ။ ၵဵဝ်ႇၵပ်းလူၺ်ႈလွင်ႈၼႆႉ ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ ယွၼ်ႉၾႆးၵိုင်ႉၵၢင်ႉ လုၵ်ႉမႆႈႁႅင်းၼႃႇလႄႈ ဢမ်ႇတၼ်းၸွႆႈဢဝ်လႆႈ ၶူဝ်းၶွင်သင်တႄႉတႄႉ၊ ၵူၼ်းႁိမ်းႁွမ်း ဢိၵ်ႇပႃး ၽူႈမီးပုၼ်ႈၽွၼ်းၽၢႆႇၶႄၾႆးၶဝ် ၸွႆႈၵၼ်မွတ်ႇၾႆးလႆႈၵႂႃႇ မိူဝ်ႈယၢမ်းၵၢင်ၼႂ် 4:00 မူင်းပၢႆၼၼ်ႉၶႃႈဢေႃႈ၊ ႁိူၼ်းတႄႉပဵၼ်ႁိူၼ်း ဢူးဢွင်ႇၼၢႆႇ လႄႈ မၼ်းၵေႃႈလႆႈသဵင်ႈၵႂႃႇၸွမ်းၾႆးယဝ်ႉ၊ ၵမ်ႉၼမ်ဢၼ်ၶႃႈယၢမ်ႈႁၼ် ယၢမ်ႈငိၼ်းမႃးတႄႉ ပေႃးဝႃႈပဵၼ်ၽေးၾႆးမႆႈ လႄႈ သမ်ႉမီးၵူၼ်းၼွၼ်းလပ်းဝႆႉတီႈၼႂ်းႁိူၼ်း ဢမ်ႇမီးၵူၼ်းၵႂႃႇပူၵ်းလုၵ်ႉၼႆ ၸၢင်ႈလႆႈလူႉသဵင်ႈၵႂႃႇၸွမ်းၾႆး ဝႃႈၼႆ။ ၵဵဝ်ႇၵပ်းလူၺ်ႈလွင်ႈၾႆးမႆႈၼႆႉသေ ၵူၼ်းမိူင်းၵမ်ႈၽွင်ႈတႄႉဝႃႈ ပဵၼ်ယွၼ်ႉသၢႆၾႆးၾႃႉသွတ်ႉၵူၺ်းဝႃႈၼႆ၊ ၶၢပ်ႈတူဝ် ဢူးဢွင်ႇၼၢႆႇ ၼၼ်ႉ ၸုမ်းပရႁိတ ၵႂႃႇၸွႆႈဢဝ်ဝႆႉပၼ်တီႈ ႁူင်းယႃယဵၼ် ဝဵင်းၵဵင်းတုင် […] The post ၾႆးမႆႈႁိူၼ်းလႄႈၸဝ်ႈႁိူၼ်းပႃးၵႂႃႇၸွမ်းၾႆး appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 22 January 2025 (လိူၼ်ၵမ်လွင်ႈ 9 ၶမ်ႈ ပီႊတႆး 2119 ၼီႈ) ၼၼ်ႉ ၽၢႆႇတၢင်းသိုၵ်းထႆး လႄႈ ပလိၵ်ႈထႆး ႁူမ်ႈပႃးၽူႈမီးပုၼ်ႈၽွၼ်းထႅင်ႈလၢႆလၢႆၽၢႆႇ ဢၼ်ပႂ်ႉယူႇတီႈလၢၼ်ႇၵူတ်ႇထတ်း ဝၢၼ်ႈႁူၺ်ႈႁိၼ်ၾူၼ် ပွၵ်ႉ 6 ဢိူင်ႇမႄႈပႃႇ ၸႄႈဝဵင်းမႄႈသွတ်ႇ ၸႄႈတွၼ်ႈတၢၵ်ႇၼၼ်ႉ လႆႈႁႄႉၵိုတ်းၵူတ်ႇထတ်းၵႃး တေႃႉသူင်ႇၶူဝ်းသေ ယိုတ်းသိမ်းလႆႈၶိူင်ႈၵမ်ႉၵႅမ် ၵၢၼ်ၵပ်းသိုပ်ႇၵပ်းသၢၼ် လႅင်းဢိၼ်ႊတႃႊၼႅတ်ႇ (Internet) မိူၼ်ၼင်ႇ − Gateway iKuai သႅၼ်း IK – G40 1 ဢၼ်၊ Gateway iKuai သႅၼ်း IK – MSG300 1 ဢၼ်၊ Switch PoE iKuai သႅၼ်း IK – S2126 1 ဢၼ် […] The post ၸဝ်ႈၼႃႈတီႈထႆး သိမ်းလႆႈၶိူင်ႈၵွင်ႉလႅင်းဢိၼ်ႊတႃႊၼႅတ်ႇ တီႈမႄႈသွတ်ႇ appeared first on တႆးလွတ်ႈလႅဝ်း.

မိူဝ်ႈဝႃးဝၼ်းထီႉ 21 January 2025 (လိူၼ်ၵမ်လွင်ႈ 8 ၶမ်ႈ ပီႊတႆး 2119 ၼီႈ) ယၢမ်းဝၢႆးဝၼ်းမွၵ်ႈ 15:00 မူင်း ၸုမ်းသိုၵ်းမၢၼ်ႈ ဢဝ်ႁိူဝ်းမိၼ်တိုၵ်းၵႂႃႇပွႆႇမၢၵ်ႇသႂ်ႇ တီႈလုမ်းၽၢႆႇဢုပ်ႉပိူင်ႇၵူႈလွင်ႈလွင်ႈ လႄႈ လုမ်းၽၢႆႇလိူမ်ႈလႆႇမူတ်းသႂ် ဝဵင်းၼွင်ၶဵဝ်သေ မီးၵူၼ်းမိူင်းလႆႈမၢတ်ႇၸဵပ်းလူႉတၢႆၸွမ်း ဝႃႈၼႆ။ ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ သိုၵ်းမၢၼ်ႈဢဝ်ႁိူဝ်းမိၼ် ပွႆႇမၢၵ်ႇတူၵ်းလူင်းမႃး 2 ပွၵ်ႈ လႄႈ ၸၢၵ်ႇမၢၵ်ႇတိူဝ်ႉၸပ်း ၼၢင်းယိင်းလူႉတၢႆ 1 ၵေႃႉ မၢတ်ႇၸဵပ်း 2 ၵေႃႉ၊ ႁိူၼ်းယေးၵူၼ်းမိူင်း ဢၼ်မီးၸွမ်းႁိမ်းႁွမ်းလုမ်းၼၼ်ႉၵေႃႈ လူႉၵွႆမိူၼ်ၵၼ်၊ တီႈဝဵင်းၼွင်ၶဵဝ်ၼႆႉသမ်ႉ မိူဝ်ႈလဵဝ်ပဵၼ်ၸုမ်းသိုၵ်း TNLA ၵုမ်းၵမ်ဝႆႉ ဝႃႈၼႆ။ မိူဝ်ႈၼႂ်းလိူၼ် November 2024 ၼၼ်ႉ ၸုမ်းသိုၵ်းမၢၼ်ႈဢဝ်ႁိူဝ်းမိၼ် ပွႆႇမၢၵ်ႇသႂ်ႇ တီႈဝဵင်းၼွင်ၶဵဝ်လႄႈ မီးၵူၼ်းမိူင်းလႆႈတၢႆၵႂႃႇ 17 ၼႆယဝ်ႉ။ တႆးလွတ်ႈလႅဝ်း The post သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇသႂ်ႇတီႈၼွင်ၶဵဝ် appeared first on တႆးလွတ်ႈလႅဝ်း.

ၼင်ႇႁိုဝ်ပေႃးတေပဵၼ် လွင်ႈၵမ်ႉၸွႆႈထႅမ် ၵေႃႉသိုၵ်းၵေႃႉႁၢၼ်ၼႆသေ မိူဝ်ႈဝၼ်းထီႉ 20 January 2025 (လိူၼ်ၵမ်လွင်ႈ 7 ၶမ်ႈ ပီႊတႆး 2119 ၼီႈ) ၼၼ်ႉ ယူႇတီႈမူႇၸုမ်း ၶိူဝ်းႁူမ်ႇမိူင်း ဝဵင်းလႃႈသဵဝ်ႈ လႆႈၸွႆႈထႅမ်ငိုၼ်းၵႃႈၽၵ်း တီႈၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ဢၼ်တူင်ႉၼိုင်ယူႇဝႆႉ ၼႂ်းၼႃႈတီႈၵုမ်းၵမ်တီႈၼိုင်ႈ တႃႇသၢင်ႉငိုၼ်းမၢၼ်ႈ 283,500 ပျႃး ၼႆယဝ်ႉ။ ယူႇတီႈၽူႈမီးပုၼ်ႈၽွၼ်း RCSS/SSA ၵေႃႈ လႆႈတၢင်တူဝ်ၵေႃႉသိုၵ်းၵေႃႉႁၢၼ်ၶဝ် တင်းသဵင်ႈသေ ယိၼ်းၸူမ်းၶွပ်ႈၸႂ်ယႂ်ႇၼမ်ထိုင် မူႇၸုမ်းၶိူဝ်းႁူမ်ႇမိူင်း ဝဵင်းလႃႈသဵဝ်ႈ လႄႈ ၽူႈမီးၼမ်ႉၸႂ် ၸေႇတၼႃႇၽိူၵ်ႇၸိုၼ်ႈၶၢဝ်သႂ်ႁဝ်းၶဝ် ၵူႈၵေႃႉၵူႈၸဝ်ႈသေ ၸင်ႇလႆႈႁဵတ်းပၼ်ၽိုၼ်ဝႂ်ယုၵ်ႉယွင်ႈ ႁႂ်ႈလႆႈပဵၼ်တီႈမၢႆတွင်းၵႂႃႇ ၼႆယူႇယဝ်ႉ။ တႆးလွတ်ႈလႅဝ်း The post မူႇၸုမ်းၶိူဝ်းႁူမ်ႇမိူင်း ၸွႆႈထႅမ် ၵေႃႉသိုၵ်း RCSS/SSA appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 20 January 2025 (လိူၼ်ၵမ်လွင်ႈ 7 ၶမ်ႈ ပီႊတႆး 2119 ၼီႈ) ယၢမ်းၵၢင်ၼႂ် 10:00 မူင်း ၵူၼ်းမိူင်းဢွၼ်ၵၼ် ၵႂႃႇသၢၼ်ၶတ်းသိုၵ်းၵူဝ်းၵၢင်ႉ MNDAA ဢၼ်တိုၵ်ႉႁၢင်ႈႁႅၼ်း တေတင်ႈလုမ်းမႂ်ႇ တီႈၼႂ်းၵၢင်ဝၢၼ်ႈ ဝၢၼ်ႈဝဵင်းသႅင် ၸႄႈဝဵင်းမိူင်းၵူဝ်း ၸိုင်ႈတႆးပွတ်းႁွင်ႇ။ ၵဵဝ်ႇၵပ်းလူၺ်ႈလွင်ႈၼႆႉ ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ ဢွင်ႈတီႈဢၼ် ၸုမ်းသိုၵ်းၵူဝ်းၵၢင်ႉ MNDAA တေတင်ႈလုမ်းမႂ်ႇၼၼ်ႉ မၼ်းပဵၼ်ၼႃႈလိၼ်ၶွင် ၵူၼ်းမိူင်းတင်းၼမ် ယွၼ်ႉဝႃႈပိုၼ်ႉတီႈၼၼ်ႉ မီးႁိမ်းၵၢတ်ႇ၊ ပဵၼ်ပႃးပိုၼ်ႉတီႈ လုၵ်ႈဢွၼ်ႇလဵၼ်ႈတၢင်းလဵၼ်ႈ၊ ပဵၼ်တီႈၵိုတ်းၵႃးလႄႈလူတ်ႉၶိူင်ႈ ၸူဝ်ႈၶၢဝ်း၊ မီးပႃးၶူၵ်ႉတမ်ၶဝ်ႈ ဢၼ်ပဵၼ်ၶွင်ၵူၼ်းတင်းၼမ် လႄႈ ၵွပ်ႈဢမ်ႇလီပၵ်းလုမ်းမႂ်ႇၼႆသေ ၵူၼ်းမိူင်း 100 ပၢႆ ဢွၼ်ၵၼ်ၵႂႃႇသၢၼ်ၶတ်း ဝႃႈၼႆ။ ဝၢၼ်ႈဝဵင်းသႅင်ၼႆႉ ဢမ်ႇပေႃးယူႇၵႆၵၼ်တင်း မိူင်းပေႃႈ လႄႈ ၸုမ်းသိုၵ်းၵူဝ်းၵၢင်ႉ MNDAA ဢၼ်တေၵႂႃႇတင်ႈလုမ်းမႂ်ႇ တီႈဝၢၼ်ႈဝဵင်းသႅင်ၼႆႉၵေႃႈ လုၵ်ႉတီႈမိူင်းပေႃႈသေၵႂႃႇ ၼႆယဝ်ႉ။ […] The post ၵူၼ်းမိူင်းသၢၼ်ၶတ်းသိုၵ်းၵူဝ်းၵၢင်ႉ MNDAA appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 19 January 2025 ၶၢဝ်းယၢမ်း 18:40 မူင်း ၸုမ်းသိုၵ်းလေႃး SSPP ဢၼ်ၸၢႆးထုၼ်းဢူး ဢွၼ်ႁူဝ်သေ တူင်ႉၼိုင်ၼႂ်းဢိူင်ႇႁၢႆးသႅင် ၸႄႈဝဵင်းလၢႆးၶႃႈ တဵင်းယွၼ်းၶဝ်ႈသၢၼ်ၵူၼ်းမိူင်းလႄႈ ၶွတ်ႇၽွတ်ႈပၼ်ၵူၼ်းမိူင်း ႁႂ်ႈဢွၵ်ႇတူင်ႉၼိုင်ၸွမ်းၶႅပ်ႇဝၢၼ်ႈ တႃႇသွၵ်ႈႁႃၵေႃႉသိုၵ်းၵေႃႉႁၢၼ် RCSS/SSA လႄႈ မၢၵ်ႇမႅင်းၸိူဝ်းၼႆႉ ဝႃႈၼႆ။ ၵူၼ်းမိူင်းၼႂ်းပိုၼ်ႉတီႈၵေႃႉၼိုင်ႈလၢတ်ႈၼႄဝႃႈ “သိုၵ်းၶူဝ်းၶဵဝ် SSPP ၶဝ် တဵၵ်းယွၼ်းၶဝ်ႈသၢၼ်ၵူၼ်းမိူင်း ၼပ်ႉႁူဝ်သိပ်းၸေႃးၶႃႈဢေႃႈ ၵေႃႉသၢင်ႉလူင်းၼႆႉ ပဵၼ်ၸၢႆးထုၼ်းဢူး ၸဝ်ႈၸႄႈဝဵင်းမၢႆ 39 ၼႆၶႃႈ ၸုမ်းၶဝ်ယွၼ်းမႃးၼႂ်းဢိူင်ႇႁၢႆးသႅင်ၼႆႉ တႃႇၶဝ်ႈသၢၼ် 10 ၸေႃးၼႆဢေႃႈ ယူႇၵမ်ႉၼိုင်ႈသမ်ႉၶိုၼ်းလၢတ်ႈဝႃႈ ၶဝ်ႈသၢၼ်တႃႇ 10 ၸေႃးၼၼ်ႉ ႁႂ်ႈၼပ်ႉပဵၼ်တူဝ်ငိုၼ်းသေဢၢပ်ႈပၼ်ၶဝ်ၼႆၶႃႈ ၵႃႈၶၼ်ၶဝ်ႈသၢၼ် ၼိုင်ႈၸေႃးၼႆႉ တူၵ်းမႅၼ်ႈသၢင်ႉငိုၼ်း 700,000 ပျႃး ပေႃး 10 ၸေႃးၵေႃႈ တူၵ်းယူႇ 7,000,000 (ၸဵတ်းသိပ်းသႅၼ်ပျႃး) ဢေႃႈ ယၢပ်ႇၸႂ်ၵူၼ်းမိူင်းႁဝ်းၶႃႈတႄႉ” လၢတ်ႈၼႄၼင်ႇၼႆ။ […] The post ၸုမ်းသိုၵ်းလေႃးလႄး SSPP တဵၵ်းၸႂ်ႉၵူၼ်းမိူင်းတဝ်ထိူၼ်ႇ လႄႈယွၼ်းၶဝ်ႈယွၼ်းငိုၼ်းၵူၼ်းမိူင်း appeared first on တႆးလွတ်ႈလႅဝ်း.

ၵူၼ်းမိူင်းၵေႃႉၼိုင်ႈ ဢဝ်ငိုၼ်းလႄႈလူတ်ႉၶိူင်ႈၸဝ်ႈၵဝ်ႇ လွင်းသုမ်းတီႈ ပၢင်တေႃႇလွင်း ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇသေ ၵမ်းၼၼ်ႉၶိုၼ်းဝၢင်းၽႅၼ် ၸူၼ်ဢဝ်လူတ်ႉၶိူင်ႈ လႄႈ ႁႅမ်တၢႆၸဝ်ႈမၼ်း ၼႆယဝ်ႉ။ ၵဵဝ်ႇၵပ်းလူၺ်ႈလွင်ႈၼႆႉ သိုဝ်ႇၶၢဝ်ႇ Tachileik News Agency ဢွၵ်ႇဝႆႉဝႃႈ မိူဝ်ႈဝၼ်းထီႉ16 January 2025 ၼၼ်ႉ မီးၵူၼ်းမိူင်းၵေႃႉၼိုင်ႈ ၸိုဝ်ႈႁွင်ႉဝႃႈ လူင်ပွၵ်ႉ ဢႃႇယု 25 ပီႊ လွင်းသုမ်းသေ ၵမ်းၼၼ်ႉ ၼင်ႇႁိုဝ်ပေႃးတေမီးငိုၼ်းလႄႈလူတ်ႉၶိူင်ႈ ၶိုၼ်းၼၼ်ႉ ၶိုၼ်းႁွင်ႉဢဝ် ၵူၼ်းၵိၼ်ၸၢင်ႈႁေႃႈလူတ်ႉၶိူင်ႈ Taxi ဢၼ်မီးၼႂ်းပွၵ်ႉ သၼ်သၢႆးသေ ႁႂ်ႈၵႂႃႇသူင်ႇထိုင်တီႈဝၢၼ်ႈၼမ်ႉၶိၼ်း ၸႄႈဝဵင်းၵဵင်းလၢပ်ႈ တေပၼ်ၵႃႈၸၢင်ႈ ငိုၼ်းထႆး 900 ဝၢတ်ႇ ၼႆယဝ်ႉ။ မိူဝ်ႈၽွင်းပွၵ်ႈမိူဝ်းယူႇၼၼ်ႉ လူင်ပွၵ်ႉ လႆႈၵိုတ်းဝႄႉသိုဝ်ႉၽႃႉၼိုင်ႈမၢၵ်ႈ တီႈဝဵင်းတႃႈၶီႈလဵၵ်းသေ သိုပ်ႇဢွၵ်ႇၶၢဝ်းတၢင်းၵႂႃႇ၊ ၽိူဝ်ႇထိုင်တီႈသဵၼ်ႈ တၢင်းပၢတ်ႈဝဵင်း (မဵဝ်ႉပၢတ်ႉလၢၼ်း) တႃႈလိူဝ်ႇ ၼၼ်ႉ လူင်ပွၵ်ႉ ၸႂ်ႉၵူၼ်းႁေႃႈလူတ်ႉၶိူင်ႈ […] The post လွင်းသုမ်းလႄႈထိုင်တီႈလႆႈႁႅမ်တၢႆပႅတ်ႈၵူၼ်းၵိၼ်ၸၢင်ႈႁေႃႈလူတ်ႉၶိူင်ႈ Taxi appeared first on တႆးလွတ်ႈလႅဝ်း.

မိူဝ်ႈဝၼ်းထီႉ 19 January 2025 (လိူၼ်ၵမ်လွင်ႈ 6 ၶမ်ႈ ပီႊတႆး 2119 ၼီႈ) ၼၼ်ႉ ၽၢႆႇတၢင်းၸဝ်ႈၼႃႈတီႈ ပလိၵ်ႈထႆး တီႉၺွပ်းလႆႈ ႁႅင်းၵၢၼ်ယၢၼ်မိူင်း ဢၼ်ပဵၼ် ပီႈၼွင်ႉတႆး 2 ၵေႃႉ၊ ၸိုဝ်ႈႁွင်ႉ ၸၢႆးဢွင်ႇ လႄႈ ၸၢႆးႁၢၼ်ဢွင်ႇ ႁေႃႈၵႃးတေႃႉတၢင်ႇ ႁႅင်းၵၢၼ်ၽိတ်းမၢႆမီႈ ဢၼ်ပဵၼ်ၵူၼ်းမိူင်းႁူမ်ႈတုမ် လၵ်ႉလွမ်ၶဝ်ႈၵႂႃႇၼႂ်းမိူင်းထႆး တင်းမူတ်း 24 ၵေႃႉ ပဵၼ်ၸၢႆး 14 ၵေႃႉ၊ ယိင်း 10 ၵေႃႉ ႁူမ်ႈပႃးလူတ်ႉၵႃး TOYOTA 2 လမ်း တီႈၼႂ်း ဢိူင်ႇၶဝ်သၢႆး ၸႄႈဝဵင်းထပ်ႉၶေႃး ၸႄႈတွၼ်ႈၽိၸိတ်ႇ ၼႆယဝ်ႉ။ ၸွမ်းၼင်ႇပလိၵ်ႈထႆးၶဝ် လႆႈၸႅတ်ႈထၢမ်ၼၼ်ႉသေ ဢၼ်ပဵၼ်ၵူၼ်းႁေႃႈၵႃး ၸၢႆး ဢွင်ႇ လႄႈ ၸၢႆးႁၢၼ်ဢွင်ႇ ယွမ်းႁပ်ႉလၢတ်ႈဝႃႈ လႆႈၵႂႃႇႁပ်ႉ ၵူၼ်းမိူင်းႁူမ်ႈတုမ် […] The post ပီႈၼွင်ႉတႆး တၢင်ႇႁႅင်းၵၢၼ်ၽိတ်းမၢႆမီႈ လၵ်ႉလွမ်ၶဝ်ႈမိူင်း ထုၵ်ႇတီႉၺွပ်း appeared first on တႆးလွတ်ႈလႅဝ်း.

မိူဝ်ႈဝၼ်း ထီႉ 18 January 2025 (လိူၼ်ၵမ်လွင်ႈ 5 ၶမ်ႈ ပီႊတႆး 2119 ၼီႈ) ယၢမ်း 9:00 မူင်း ၽူႈယႂ်ႇၵူၼ်းလူင် ဢိၵ်ႇတင်းပီႈၼွင်ႉၶႅၵ်ႇလႄႈ ၵေႃႉသိုၵ်းၵေႃႉႁၢၼ်ပေႃႈမႄႈၵူၼ်းမိူင်း ႁွတ်ႈၽႅဝ်ဢဝ်တီႈယူႇ ၼိူဝ်လွႆၵျွင်းၽြႃး ငဝ်ႈၸိုင်ႈ လွႆတႆးလႅင်းသေ လႆႈတႄႇပၢင်လူႇတၢၼ်းၵႂႃႇ ယူႇယဝ်ႉ။ ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး RCSS လႆႈတႄႇပိုတ်ႇပၢင် ႁွႆႈတူင်ႇမွၵ်ႇ တီႈႁုၼ်ႇႁၢင်ႈ ၸဝ်ႈၾႃႉၼရေးသူၼ် လႄႈ ၸပ်းတဵၼ်းႁွမ်ၵႂႃႇသေ ၽူႈမီးပုၼ်ႈၽွၼ်း ဢွၼ်ၼပ်ႉယမ် သူမ်တဵတ်ႇၾႃႉၼရေးသူၼ်၊ ပေႃးယဝ်ႉဢွၼ်ၵၼ်ၼိမ်တူဝ်ၼိမ်ၸႂ် လႄႈ တိူင်ႇၵၢဝ်ႇယွၼ်းသူးၽႂ်မၼ်း ၼႆယဝ်ႉ။ သိုပ်ႇသေၼၼ်ႉ လႆႈႁူမ်ႈၵၼ်လူႇတၢၼ်းယၢတ်ႇၼမ်ႉသေယဝ်ႉလႄႈ သင်ႇၶၸဝ်ႈလွတ်ႈႁေႃးၵမ်ႉၽဝႃႇၸႃႇယဝ်ႉ ႁူမ်ႈၵၼ်ၵၼ်ႇတေႃးလူပ်းလင်ယဝ်ႉၵႂႃႇ ယူႇယဝ်ႉ။ ဝႆၢးသေၼၼ်ႉ မႃးယၢမ်း 11:30 ၽူႈယႂ်ႇၵူၼ်းလူင် ၵေႃႉသိုၵ်းၵေႃႉႁၢၼ် ပေႃႈမႄႈၵူၼ်းမိူင်း လႆႈဢွၼ်ၵၼ်ၶဝ်ႈဢဝ်တီႈယူႇ ပၢင်ႁူမ်ႈၸဝ်ႈသိူဝ်ၶၼ်ႇၾႃႉ ၽူႈမီးပုၼ်ႈၽွၼ်း […] The post RCSS ၸတ်းႁဵတ်းပၢင်ပသ လူႇတၢၼ်း ၸဝ်ႈသိူဝ်ၶၼ်ႇၾႃႉ/ၸဝ်ႈၵွၼ်းၸိူင်း လႄႈ ၸဝ်ႈၾႃႉၼရေးသူၼ် appeared first on တႆးလွတ်ႈလႅဝ်း.