Shugaba Volodymyr Zelensky, ya bukaci hukumomin tsaron ƙasar, da su kare sararin samaniyar Ukraine, sa'o'i bayan hare-haren bam na Rasha da suka kashe mutane huɗu tare da raunata wasu kimanin ashirin cikin dare.

Gwamnatin Congo Brazzaville ta bayar da umarnin a fara farauto mata ƙungiyoyin masu asiri, wadanda ke ci gaba da yin barazana ga jama'ar ƙasar.

Rahotanni daga Kamaru na cewa, an kama wasu manyan ‘yan adawa biyu, dai-dai lokacin da ake dakon sakamakon zaɓen shugabancin ƙasar da aka kaɗa a ranar 12 ga Oktoba.

Al’ummar Ivory Coast sun fara kaɗa ƙuri'a domin zaɓen sabon shugaban da zai jagorancin ƙasar, tsakanin shugaba Alassane Ouatarra mai shekaru 83, wanda ke neman wa'adi na huɗu da kuma ƴan takarar jam'iyun adawa duk da cewa an hana jagororinsu tsayawa takara a zaɓen.

Hukumomi a Mauritius sun kama Mamy Ravatomanga, ɗaya daga cikin attajiran Madagascar kuma makusanci ga hambararren shugaban ƙasar da ake nema ruwa a jallo, bisa zargin miƙa wasu jiragen ƙasar  ƙirar Boeing zuwa Iran.

Hukumar bada agajin gaggawa ta jihar Neja, ta ce adadin mutanen da suka mutu sanadiyar fashewar tankan mai da aka samu a yankin ƙaramar hukumar Katcha ya ƙaru zuwa 57.

Shugaban Brazil Luiz Inacio Lula da Silva ya caccaki Majalisar Ɗinkin Duniya da sauran cibiyoyi daban-daban, yana mai cewa sun daina aikinsu kuma sun gaza kare waɗanda yaƙin Gaza ya shafa.

A jihar Kano dake Najeriya an samu ƙaruwar gina gidajen wanka da bahaya domin amfanin jama’a, saɓanin yadda aka saba ganin su a kasuwanni kawai ko kuma tashoshin mota.

Shugaba Volodymyr Zelensky na ƙasar Ukraine, ya isa birnin London a yau Juma’a, domin tattaunawa da ƙasashen nan na ƙawance da suka yi alƙawarin tabbatar da zaman lafiya a ƙasarsa, da zarar an cimma yarjejeniyar tsagaita wuta.

Sakataren harkokin wajen Amurka Marco Rubio ya jaddada gargaɗin cewa mamaye yankin Yamma da Kogin Jordan na Falasɗinawa zai wargaza shirin shugaba Donald Trump na kawo ƙarshen yaƙin Isra’ila da Hamas.

A Najeriya, gwamnan Borno Babagana Umara Zulum ya nuna damuwa game da harin jirgin maras matuƙa na bazata da mayaƙan Boko haram suka ƙaddamar a jihar, yana mai ganin baiken jami'an tsaron bayanan sirri wajen daƙile harin tun kafin a kai shi.

Shugaban Najeriya ta kori manyan hafsoshin tsaron ƙasar da suka haɗa da Janar Christopher Musa, inda ya maye gurbinsa da Janar Olufemi Oluyede wanda zai ci gaba da riƙe muƙamin hafson hafsoshi. Wannan na zuwa ne bayan ƴan kwanaki ƙalilan da wasu jaridun ƙasar suka rawaito cewa, an yi yunƙurin juyin mulki a Najeriyar, amma shalkwatan tsaron ƙasar ta musanta.

A Jamhuriyar Nijar, a karon farko an dawo gudanar da zaman kotu a Diffa, inda za’a saurari ƙararrakin mutane  65 da ake tuhuma da aikata laifukan daban-daban, da suka haɗa da ta’addanci, da safarar makamai tare da mallakarsu ba bisa ƙa’ida ba.

Hukumar zaɓen Jamhuriyyar Benin CENA, ta bayyana cewa ta cire sunan jagoran babbar jam’iyyar adawa ta Democrats Party daga jerin ‘yan takarar da zasu fafata a zaɓen shugaban ƙasa da ke tafe a shekara mai zuwa.

Gwamnatin Jamhuriyar Nijar ta haramta fitar da amfanin gonar da aka noma cikin ƙasar zuwa ƙetara domin tabbatar da wadatar abinci a cikin gida.

Sabon shugaban Hukumar Zaɓe Mai Zaman Kanta a Najeriya Farfesa Joash Amupitan, ya yi alƙawarin dawo da martaba da kuma kimar hukumar a idon duniya.

Gobe Asabar ne ake sa ran gudanar da babban zaɓen shugaban ƙasa a Ivory Coast, a wani yanayi da ƴan takara 4 ke shirin ƙalubalantar shugaba mai ci Alassan Ouattara, ciki har da mai ɗakin tsohon shugaba Laurent Gbagbo wato Simone Gbagbo.

Hukumar Karɓar Ƙorafe-ƙorafen Jama'a ta Najeriya ta yi bikin cika shekaru 50 da kafuwarta, inda ta bayyana cewa cikin waɗannan shekaru ta yi nasarar magance ƙorafe-ƙorafe sama da miliyan 1 da dubu 200 na ƴan ƙasar, cikin sama da miliyan 1 da dubu 800 da aka shigar mata.

A yau alhamis Ƙungiyar Tarayyar Turai ta sanar da sanya sabbin takunkumai a kan Rasha, saboda yaƙin da take yi da Ukraine, a dai-dai lokacin da Amurka ta sanar da wasu takunkumai da za su shafi ɓangaren makamashi na ƙasar.

Majalisar Isra’ila ta amince da ƙudirin da ke neman faɗaɗa mamayar ƙasar a yankin yammacin gaɓar kogin Jordan, yunƙurin da ke da nufin ƙwace kaso mai yawa na yankunan Falasɗinawan, lamarin da ya saɓa da dokokin ƙasa da ƙasa, wanda kuma tuni Amurka ta bayyana shi a matsayin yunƙurin da ka iya wargaza yarjejeniyar zaman lafiyar da ke tsakanin ƙasar da Hamas da nufin kawo ƙarshen yaƙin Gaza.

A Mali, shugaban mulkin sojin ƙasar Janar Assimi Goita ya sallami wasu daga cikin manyan jami’an tsaro har guda 3, tare da maye gurbinsu da wasu, a wani yanayi da suke ƙoƙarin yaƙar matsalar mayaƙa masu iƙirarin jihadi dake ci gaba da ta’azzara a ƙasar.

Wasu alƙaluma da ƙungiyar agaji ta ICRC ta fitar sun nuna cewa kashi 40 na rikice-rikicen da duniya ke fuskanta na faruwa ne a Afrika nahiyar da ke ɗauke da mutane aƙalla biliyan 1 da miliyan 400.

Rahotanni na tabbatar da cewa ƴansanda sun kama Ɗan gwagwarmaya Omoyele Sowore a wata kotu da ke Abuja.Sowore ne dai ya jagoranci zanga-zangar neman a saki mai fafutukar kafa ƙasar Biafra Nnamdi Kanu a ranar Litinin, kuma an ga lokacin da yake gudu yayin zanga-zangar da rahotanni suka tabbatar da cewa an kama wasu daga cikin waɗanda suka fantsama tituna a wannan rana.

Shugaban mulkin sojin Jamhuriyar Nijar, Abdourahmane Tiani ya amince da ƙara mafi ƙarancin albashin ma’aikata zuwa CFA dubu 42,000, ƙarin kusan kashi 40 kenan kan wanda suke ɗauka a baya.

Hedikwatan tsaron Najeriya ta ce dakarun Operation Hadin Kai sun kashe ƴan ta'adda sama da 50 tare da dakile wasu hare-hare a sansanonin sojin ƙasar a jihohin Borno da Yobe.