Cameroun jamana na, mɔgɔ duuru fagara kabila fila ka kariɲɔngɔnna dɔ senfɛ, Ardo BASSO mara ra Touroua dugu kɔnɔ, jamana kɛɲɛnkanyanfan na. Ardo BASSO dugutigi kura sugandili dɔ senfɛ, Toupouri ni Massa kabilaw karilaɲɔngɔnna. Seereyaw b'a yira ko u sera ka siri a ko ra ni wagati in na, nka kasara in kɔlɔlɔ boɲɛnna, mɔgɔ caman fagara, dɔw mandiminna wa so caman jɛninna fana.  

Misali la u ka ko kan minisiriso bolofara min siginendon farafinna ko kunna ɲɛma Nick Checker ye taama kɛ Mali la ntenendon, o hukumu kɔnɔ.O ko yɛrɛ be se ka famuya cogo di ? Politiki ko donbaha Ngolo DIARRA, ko Etats-Unis b’a fɛ de ka jo yoro faa AES jamanaw kɔnɔ wasa ka sinanw Chine ni Ruissie jamana sekɔrɔ tigɛ. 

Zanviyekalo tile 28, damandigɛn dɔ dafirila RDCongo jamana la, Rubaya dugu kɔnɔ. Mɔgɔ 200 ɲɔgɔn de bɔnɛna u nin na o kasaara in senfɛ. RD Congo dɔrɔn tɛ, nin kasaara sugu ka ca kosɔbɛ Farafinna jamana caman kɔnɔ. Mɔgɔ caman de bɛ to daman dafiiriliw la Farafinna san o san. Cɛw, musow, denmisɛnw minnu bɛ baara kɛ nin daman ninnu kɔnɔ, tuma caman hali yɛrɛ lakanaminan fosi tɛ u bolo.

An ka bi jɛmukan bɛ kuma forobabaaraw kɔlɔlɔ de kan lamini ma. Yanni o baaraw ka dabɔ ɲɛbilabaara dɔ de k aɲi ka kɛ fɔlɔ marabagaw fɛ walasa k'a dɔn baara ninnu kɔlɔlɔ tigi tigi ye mun ye lamini ma.Yala o baara in bɛ kɛ a ɲɛma wa manden? Mɔgɔ tɔɲɔnnenw mɔnɛ be bɔ cogo di?Baba WATTARA n'a ka mɔgɔ welelenw b'olu de jabi aw ye jɛmukan in kɔnɔ.

Diboli ni Kayes sira kan. O kɛra JNIM jatigɛwalɛkɛlaw ka binkanni dɔ dɛ senfɛ, alamusadon na. A senfɛ tajitamɔbili 40 ani sɔrasiw 10 ɲɔgɔn bɔnɛna u nin na. Nin lakanabaliya ɲɛkɔrɔ, Sénégal mɔbilibolilaw ka tɔn koɲanabɔla Gora Khouma k' ale ma fɛɛrɛ fɔsi ye bilen.

Follow all the headlines and breaking news from RFI live on Facebook and Twitter: @RFI_En

Kakawo sɛnɛkɛlaw ka jɛkulu fila nɛmaaw minɛna ka don kaso la fɔlɔ kabini kunu. Cɛkɛda min bɛ kakawo ani Kafe sannikow kunna "Conseil du café-cacao" olu de ye nɔminɛnisɛbɛn don u kama. Cɛkɛda in k’u jalakilen k’u ye galon tigɛ olu kan. "Conseil du café-cacao" k’olu de ye kunnafoni kolonw carin kacawo sanbaliya kan.

Rassemblement national politikitɔn ɲɛmɔhɔ yin n’a ka sɛben ɲɛnɛbɔla dɔw b’u ka sɔsɔli kiri ɲangili jabiw de makɔnɔna bi tarata Paris kiirisoba fɛ.  U jalakilen don k’u ye fɛɛrɛ dɔ bila senkan waasa ka Eurɔputɔnba wasabolon nafolo yuru-ku-yuruku, Nka u y’o jalakiliw sɔsɔ, ko politikiko dɔrɔ don. Ka kɔn kiiri yin damineli ɲɛ bi Paris sɔsɔli kiiriso ye , ɲangili min laɲini Marine Le Pen kama, ay'o da kenen kan.

Nigeria jamana kɔnɔ, mɔgɔ 9 jalaki la kunu tɛnɛ, jamana in camacɛ ni a worodugu bigali ba kow la mi kɛra sababu ye ka mɔgɔ caman bɔnɛ u nin na. Nin mɔgɔ ninnu jalakilen don waleya 57 de fana ka fara mogo 150 ɲɔngon ka fagali kan Yelewata san 2025 juin kalo. U kiri la jamana ka kiri bɔ ba de fɛ wa u ka ɲangili san hakɛ bɛ ta sikaso de la.

Guinée marabaajɛkulu ɲɛmaa Amadou Oury BA ka kunu minisiri 20 sugandilenw la fɔlɔ, kiri dɔnbaagaba, min y'a ka dɔniyaw n'a sekow jira 22 sebutanburu kasara kiri kɛnɛ kan, Ibrahima Sory 2 Tounkara de ko don, cɛ in de sungadira marabaajekulu kura fɛ k'a kɛ kiriko minisiri ye.

Binkanni kɛra réseau sociaux X ka birow kan Faransi, Elon Musk welelen don Pari prokireri ka biro fɛ

RD Congo tile duuru damadingɛ dɔ ka wurukutuli kɔ halisa mɔgɔ fagalenw hakɛ jɔnjɔn ma dɔn fɔlɔ. Ni marabagaw tun ye maa kɛmɛ fila de kofɔ fɔlɔ, sisan Masisi dugu jamandenw tɔgɔlatɔnw yɛrɛ ko a ka ca maa 400 ye. O kasaara in kɛra sanjiba dɔ de nani kɔ ka Cobalte bɔdingɛ in firi maaw kan. Nin waati in na, marabagaw kɔni ye wulikjɔw sabati ka maaw yɔrɔ janya dugu in damadingɛw la.

Dɔnnatɛmɛfanga wasabulon ye sariya don ta walasa wasaden tɛ pɔlitikitɔn min bɔlɔ wasabulon kɔnɔ, u ka ci. Laɲini ye ka tileniya dɔn pɔtilitikitɔnw sigila la, ani ka dan sigi majɛ dɔw la i n'a fɔ dɛmɛ nafɔla dili pɔlitikitɔnw ma. Sisan a tɔra dɔnatɛmɛ fanga ɲɛmɔgo dɛ ka sariya in lawaalɛya. Salif Sakhanokho ni o kɛra pɔlitikiton 5 drɔn dɛ bɛna to Guinée Bissau…

Dɔgɔkun tɛmɛnen zanviyekalo tile 28 k'a dugujɛ a 29 na, Binkanniwale dɔ ɲɛsinna Niger faaba Niamey pankurunjigiso ma. Cɛ marifatigi dɔw ni Sɔrasiw karila ɲɔgɔn na ka gwan kosɔbɛ. Minan caman tiɲɛnna, o tiɲɛnniw sera pankurun saba bɛɛ ma. Binkanni in dugujɛ, Niger marabagaw ye jalaki ɲɛsin France, Bénin a ni Cote d'ivoire ɲɛmɔgɔw ma.

Bassirou Diomaye FAYE sera kunu tɛnɛlon Brazzaville Congo faaba kɔnɔ tile fila tama dɔ hukumu kɔnɔ. O tama kun ye ka badenya ni baraɲogonya sinsin ani k'a kologiriya jamana filaw ni ɲɔgɔn cɛ. A selen kɔ, jamanakuntigi filaw ye hakilifalen kɛ u ka jamanaw kow kan ani fana Farafinna gɛlɛyaw kan.

Manikro dugu kɔnɔ, kilomɛtɛrɛ 8 ɲɔgɔn bɛ yen ni Bouaké cɛ, "Institut Raoul Follereau" ye furakɛliyɔrɔba ye, min bɛ dɛnkɛrɛfɛbanaw furakɛ , kɛrɛnkɛrɛnnenya la, kuna. Nin bana in bɛ mɔgɔ minɛ Côte d'Ivoire jamana la halibi, k'a sɔrɔ a bɛ se ka furakɛ sisan ɲɔgɔya la. Konni Konaté taara bɔ raoul Foullereau ka banabatɔ dɔw ka seereyaw ta ani dɔgɔtɔrɔw ka lafumuyali bana in kunkan . 

Mali la, jatigɛwalebinkanni min tara ka ɲɛsin tajita mɔbili dɔw ma jumalon, seereyaw la, a ka ca ni mɔbilibolila 12 ye minnu nin tora nin binkanni in na. Tajitamɔbili 100 ɲɔgɔn de tun bɛ ka bɔ Diboli ka taa Kayes. Mɔbilibolila dɔw joginna, dɔw fana ɲɛmatununen don, i ko an ka nin seere in b'a fɔ cogo min na.

Ka kɛɲɛ ni kuma caman ye muso furulenw da la den ko la, muso caman de ka diɲɛlatigɛ gɛlɛyalen don bi, wa dɔw fana ka furu sara k'a sabu kɛ waleya in ye. Walasa k'a kow faamu ni ka fɛɛrɛ sɔrɔ a la, aw ka jɛmukan mandi Musow ka kɛnɛ, ale be kuma o de kan bi. Ka a ko gɛlɛyaw dɔn ni ka fɛɛrɛ sɔrɔ a la, Lalaïcha DOUCOURE n'a ka mɔgɔ weelelenw be kuma o de kan bi. 

Mopti mara la, jamana cɛmancɛyanfan fɛ, Nouh Bozo dugudenw bɛ  gɛlɛyaba kɔnɔ nin wagati in na, k'a sababuya kɛ JNIM jatigɛwalekulu ka gɛrɛntɛn ye, a y'o min sigi dugudenw kan nin y'a wagati damanin ye. Baloko, furakɛliko gɛlɛya bɛ dugudenw kan. Wa jatigɛwalekɛlaw bɛ bagabagalikanw tara k'u sɛgɛrɛ, k'u bɛ dɛmɛ dira Mali kɛlɛbolo ma. 

Dugukolo wurugutuli ka ca kosɔbɛ sanubɔyɔrɔw la. Kɔsa in na, a dɔ kɛra RD Congo jamana na. Mɔgɔ kɛmɛ ni kɔ ɲɔgɔn ye saya sɔrɔ. Kasara in ɲɔgɔnna bɛ tɔ ka kɛ Sénégal, Mali, ani La Guinée. Fɛɛrɛ jumɛn de bɛ se ka sɔrɔ walasa ka damandanw lakana. Dugukolo dɔnbaga Mory CAMARA ko  marabagaw ka kan ka dɔ bɔ damandaw tagali la samiɲa fɛ, ani ka sanubɔlaw ladi. An k'a lamɛn Salif SAKHANOKHO ka kumagalaman na.

Nin y'a tile 3 ye ko fangasina disibaw seginna u ka so.O kɛra kalo fila Domingos Simões Pereira minɛnen kɔ ani kalo fila dogoli kɔ Fernando Dias ta ye Nigeria lasigidenso kɔnɔ.Nga u ka yɛrɛyeya bɛɛ ma lasegin u ma. Domingos Simões Pereira bɛ kɔlɔsili kɔnɔ a ka so wa kankari gɛnlɛnw dara Fernando Dias ye ko a kana kuma kɛnɛ kan.

Mali, jatigɛwalew kɛlɛli ko, kɔkanko minisiri ani Etats-Unis ka Farafinna kow ɲanabɔla ka lajɛrɛ babu dɔ ye. Nick Chercher kunbɛnna Abdoulaye Diop fɛ kunu Bamako. Lajɛrɛ in sinsinna jamana fila nunu cɛ baaraɲɔgɔnya kan. Jatigɛwale jɛkuluw kɛlɛli ko la, sɔrɔko baaraɲɔgɔnya ani babu wɛrɛw.

Burkina-Faso, Sosthyène Yaméogo, dɔnkili ani fɔli kalanfa n'a bɛ sɛgɛnlafiyɛnbɔ la, cɛ in diyagoyaminɛna sibirilon cɛ marifatigi dɔw fɛ a ka du kɔnɔ Ouagadougou. Kabi o lon fɔɔ bi, kibaruya fosi tɛ ka sɔrɔ a kan, a minɛ kun fana ma don.

La Guinée marabaa jɛkulu kura minisiriw fanba lakodonna. Dɔkɔkun kelen Amadou Oury Bah sugandili kɔ, jamanaɲɛmaa fɛ kokura k'a bila marabaa jɛkulu kunna, a y'a ka minisiriw tɔgɔ da kɛnɛ kan kunu. Minisiri 20 de sugandira fɔlɔ, u cɛla, 16 ye kɔrɔlenw ye, ka fara minisiri kura 4 kan. O yɛlɛmaw bɛ ɲɛsin kiriko minisiriso ma, lakana ani musakaw ko misalila. An ka lasigiden Kankan, Mamadi KABA bɛ ɲɛfɔli jɔnjɔn k'an ye...

Proche-Orient, Gazakaw dɔw y’a daminɛ ka se Egypte jamana kan kaban Rafah dancɛ siraw dayelɛlen kɔ bi ntɛnɛn. Palestine dugu ni Egypte dancɛw tun datugulen don kabi san 2024 mɛkalo la Israël ni Hamas ka kɛlɛw sababu la. Daw yɛlɛlen kɔ u jamanaden 150 fɔlɔw de makɔnɔnen don Egypte ka taa furakɛ. Nin dancɛw yɛlɛli kɛra jigisigiba ye Gaza jamadenw bolo.