തേക്കപ്പെട്ട മനയ്ക്കലേക്ക് സ്വാഗതം ....

Why she didn't receive national award for best actress is still a mystery to me...not even a Keralite could portray a Keralite with this kind of accuracy and 'acharaspudatha'..

ബോളിവുഡ്ന് കുറച്ചു നാളെയായി ചെറിയ ഒരു മലയാളം പ്രേമം കാണുന്നുണ്ട് - കേസരി 2, ബേബി ജോൺ , കേരള സ്റ്റോറി (ഹെന്റെ സിവനേ..) ദേ ഇപ്പോൾ ഒരു പരമസുന്ദരി കൂടെ ആയപ്പോൾ പൂർത്തി ആയി..

ഇൻസ്റാഗ്രാമത്തിൽ കുടിൽ കെട്ടി താമസിക്കാത്ത കാരണം യൂട്യൂബിൽ കുറച്ച ഇൻസ്റ്റാഗ്രാം റീൽസിന്റെ റിവ്യൂ കണ്ടു... വേണ്ടാരുന്നു

എന്തൊരു ഓവർ ആക്ടിങ് ആണു ഫഹദേ !!! ക്രിൻഞ്ച് അടിച്ചു ഞാൻ കൊഞ്ച് പോലെ ആയി ....OKCK ട്രെയ്ലർ കണ്ടു ; ഫയങ്കരം തന്നെ..കല്യാണി പിന്നെ പോട്ടെ സാരമില്ല... പാവം നെപോകൾക്കും ജീവിക്കണമല്ലോ . പുള്ളികാരിയുടെ ആക്ടിങ് റേഞ്ച് വെച്ച് നോക്കുമ്പോൾ കൂടുതൽ ഒന്നും പ്രതീക്ഷിക്കുന്നില്ല.

നാട്ടിലെ ഈച്ചകളുമായി compare ചെയ്‌താൽ ഈ ഗൾഫിലെ ഈച്ചകളൊക്കെ മണ്ണുണ്ണികൾ ആന്നെന്നു തോന്നും...ഒറ്റയടിക്ക് കാറ്റ് പോയി

Empuraan trailer kandu...Red dragon mikkavarum Rick Yune thanne aarikkum enn thonnunnu

#Empuraan #L2

നല്ല ദേഷ്യം വരുന്നുണ്ട് ...എന്നാൽ ഇന്നിനി നീലാകാശത്തിന്റെ നെഞ്ചത്ത് കയറിയേക്കാം

ഓരോരോ നിർഗുണ പരബ്രഹ്മങ്ങൾ ....മാനസിക രോഗം ആണെങ്കിൽ ചികിത്സിക്കണം. അല്ലാതെ, അതാണ് എന്റെ ഐഡന്റിറ്റി,ഇനി ഞാൻ എല്ലാ ക്രിട്ടിസിസത്തിനും അതീതനാണ് എന്നും പറഞ്ഞു അതും പൊക്കിക്കൊണ്ട് നടക്കുവല്ല.

വല്യ അടുപ്പവും പരിചയവും ഇല്ലാത്ത ആളുകളെ കയറി "നീ" എന്ന് വിളിക്കുന്നത് തന്നെ മാന്യതയും മര്യാദയും ഇല്ലാത്തവരുടെ ലക്ഷണം ആണ്...അത് Age കുറഞ്ഞവർ ആയാൽ പോലും . എന്റെ ഓഫീസിൽ കുറച്ചു പേര് ഇങ്ങനെ ഉണ്ടായിരുന്നു .പ്രായത്തിൽ ഞാൻ താഴെ ആയതുകൊണ്ട് അന്നൊന്നും പറഞ്ഞില്ല; ഇനി അങ്ങനെ ഒരു അനുഭവം ഉണ്ടാകാൻ ഉള്ള അവസരം ആർക്കും കൊടുക്കുകയും ഇല്ല .

ഫീഡിൽ മൊത്തം അഡ്വെർടൈസ്‌മെന്റ് ആണല്ലോ ....നീലാകാശത്തും എനിമി ഡ്രോണുകളോ..

ഒരിറ്റു സ്നേഹത്തിനു വേണ്ടി
എന്റെ ആത്മാവിനെ ഞാനെന്തിന്
വീണ്ടും വീണ്ടും തച്ചുടയ്ക്കണം?

നിന്റെ സ്നേഹം മുള്ളുകളാണെങ്കിൽ
നിന്റെ ചുംബനങ്ങൾ മുള്ളാണികളാണെങ്കിൽ
നമ്മുടെ ജീവിതം,എന്റെ കുരിശുമരണം ആണെങ്കിൽ ,
ഇവിടെ എല്ലാം അവസാനിക്കട്ടെ;
മൂന്നാം നാളെങ്കിലും എന്റെ ആത്മാവ് ഉയിർത്തെണീൽക്കുമല്ലോ

മലയ്ക്കുമീതെ നീലാകാശം തേടി
സ്വപ്‌നങ്ങൾ പറന്നു
വെയിൽപക്ഷികൾക്കൊപ്പം ചിറകുവിരിച്ച മോഹങ്ങൾ ...
അതിരില്ലാത്ത പതിരില്ലാത്ത
പതിവില്ലാത്ത മോഹങ്ങൾ...

ഇന്ന് ഉറക്കം ഉണർന്നെണീറ്റപ്പോൾ ആണ് മനസിലായത്... ഇന്നലെ രാത്രി കൊതുകുതിരി കത്തിച്ചില്ല .ദേഹം മുഴുവൻ കൊതുകുകൾ നെയ്യപ്പം ചുട്ടു വെച്ചിരിക്കുന്നു.

നിന്റെയുള്ളിലെ അന്ധകാരത്തിനെ
എന്റെയുള്ളിലെ ഭ്രാന്തിനു
പുണരാനാവുന്നില്ലെങ്കിൽ
നാമെങ്ങനെ കമിതാക്കളാകും?

അഭേദ്യമെന്ന് തോന്നുമെങ്കിലും
ചങ്ങലക്കണികൾ അടരുന്നത് ഞാനറിയുന്നു....
നീ തിരഞ്ഞ സ്വതന്ത്രാകാശങ്ങളിൽ
ഉയർന്നു നീ പറന്നകലുന്നത്
ഞാനറിയുന്നു....

ദൂരമെത്രയേറിയാലും
നിന്നെ ഞാൻ സ്നേഹിക്കുന്നുവെന്ന്
നീയറിയുന്നുവോ ?

Enthellaam enthellaam swapnangalaanenno
Enthellaam enthellaam mohangalanenno....

കറുത്ത വെള്ളിയാഴ്ച കുറച്ചു കാശുലാഭിക്കാൻ കൊച്ചുവെളുപ്പിനു മാളിൽ ചെന്നുകയറിയപ്പോൾ കടന്നൽക്കൂടിളകിയപോലെ കാറുകൾ

ഇരുൾമൂടിയ രാത്രിയിൽ,നിൻ കണ്ണീർ
തോരാമഴയായ് പെയ്യുമ്പോൾ
മറവിയുടെ പുതപ്പിനുള്ളിൽ ഞാൻ
നിദ്രയെ പുൽകുകയായിരുന്നു

എൻ സ്വാർത്ഥ സ്വപ്നങ്ങളുടെ നുറുങ്ങുവെട്ടത്തിലെങ്ങും
നിൻ മുഖം തെളിഞ്ഞതേയില്ല;
എന്റെ ഉണർച്ചകളുടെ ആലസ്യത്തിലും
നിന്റെ വ്യഥകൾ എനിക്കന്യമായിരുന്നു

മാപ്പ് ....നിന്നെ കാണാതിരുന്നതിന്
മാപ്പ്.....നിന്നെ കേൾക്കാതിരുന്നതിന്
മാപ്പ്.....ചോദിക്കാൻ അർഹതയില്ലെങ്കിലും.

നീലാകാശം പീലിവിരിക്കും പച്ചത്തെങ്ങോല
തെളിഞ്ഞ മഞ്ഞ പൂഞ്ചിറയാകെ ചുവന്ന റോസാപ്പൂ
തവിട്ടു പശുവിന്‍ വെളുത്ത പാല്‍ കുടിച്ചതില്‍ പിന്നെ
കറുത്ത രാത്രിയില്‍ ഈ നിറമെല്ലാം ഓര്‍ത്തു കിടന്നു ഞാന്‍.

#Bluesky #Neelaakaasham #OmshantiOshana

ഇവിടെ മഴയാണ്..
ദാഹിച്ചു വരണ്ട മണ്ണിലേക്ക് മേഘങ്ങൾ
മണ്ണിന്റെ തന്നെ രസങ്ങൾ ഇറ്റിച്ചുകൊടുക്കുന്നു..

മന്ദാരങ്ങളിൽ മഞ്ഞവെയിൽ ഉരുക്കിയൊഴിച്ച പൊന്ന്‌,
ഇലപ്പടർപ്പും കടന്ന്‌ നിലത്തു പരന്നൊഴുകുന്നു..

നടവഴികളിൽ ചൂടുണ്ട് ; കാലടികളിലെ കല്ലുകൾ ഓരോ ചുവടും അടയാളപ്പെടുത്തുന്നു...

യാത്ര ഇനിയും പോകാനുണ്ട്,കുറെ ദൂരം..
വെട്ടമുള്ളപ്പോൾ വഴികണ്ടു നടക്കാം, കാലുകളിലെ പൊള്ളൽ മറക്കാം..

#malayalam

വർഷമേഘങ്ങൾ കാത്തുനിൽക്കുമീ വൃക്ഷത്തി-
നൊരു കാറ്റിൻ തണുവിരൽ സ്പർശം പോലെ,
പ്രണയമേ വരിക, ഈ മരുഭൂമിയിൽ ,
ഒരു മരുപ്പച്ച കാണിച്ചുതരിക.