Eenamanana da piyaana kOkahandja Oshoondaxa odo da eta Ronnie Kanalelo naPaulus Shipanga va kufe oilwifo opo va potokonone eenamanana davo oda eta omalimbililo kombinga yeameno peenhele domaudano. Ovadeuli aveshe inave likala nande oshinima eshi, ova itavela kutya okwa li va eta oilwifo koudanao woNamibia Premier Football League oo wa li pokati koBucks Buccaneers noBlue Waters kokapale kaNau-Aib. Shipanga , oo ha deula oBlue Waters, okwa li e na ombele omanga omukwateli komesho woBucks Kanalelo kwa li e na ombistoli. Ovalumenhu aveshe ova ti eenamanana kombinga yokushikilwa mokapale konima youdano odo da eta oshinima eshi meepaakinga. Shipanga okwa kufa ombele mohauto yaye, yee Kanalelo ta kufa ondjebo yaye motuwa, omanga kwa li inava kufwa kumwe kovatali. Shipanga okwa ti Kanalelo okwa kala noku mu shinda omanga kwa li ta popi nomumabelewa woudano “te mu ula kutya omudeuli a nghundipala nomukanifi womaudano wakeshe efimbo”. “Okukanifa oudano hako oupyakadi. Ongee omunhu a tameke okupopya oukwatya woye oto mono kutya oove a hala. Sho osho nda tila ngee oshopaumwene natu ungaunge nasho ngaashi ovalumenhu. Inandi mu tila,” Shipanga osho a ti ngaho. “Okwa landula nge kohauto yange. Onda kufa ombele yange eshi ta ende a yuka kwaame. Okwa lotokela nee kohauto yaye ndee taku fa ondjebo.” Ta kolele oshiningwanima, Kanalelo okwa ti eenamanana dopakanya inadi pa Shipanga oufemba wokuninga oshinima sha tya ngaho, shaashi okwa li ashike sha ningwa momashendjo nopamukalo womafiyafanepo wetanga lokeemhadi. Okwa ti, Shipanga “oha handuka diva” yee iha tambula ko ngee ine shi endifa nawa. “Eeno, oshoshili. Onde mu ula kutya okwa nghudipala, ame ngeno onda longa oilonga i lixwepo ndi mu dule ngeno okwa li ndi na oshiipaana oyo e na,” Kanalelo osho a ti ngaho. “Onda kufa ashike ondjebo yange konima a kufa mo ombele eshi kwa li nde ke mu minika ndi mu pe ombili.” Ovadeuli aveshe ove shiivikile omikalo diwa, ashike, okweeta oilwifo koudano nokwiilongifa inaku tambulwa ko, omupopiliko woNamibia Football Association (NFA) Isack Hamata osho a ti ngaho. Okwa ti oshiningwanima okwa li sha puka nokashi li pamwe nomhepo youdano ile omaliumbato a pumbiwa mokatanga kokeemhadi ka longekidwa. Hamata okwa ti ovanambelewa veameno peenhele domaudano ova tulwa po opo va kwashilipaleke kutya keshe omunhu tai mokapale okwa handwa nawa. “Osho sha ningwa kOkahandja osha holola kutya eameno ola pitwa pomunghulo,” Hamata osho a ti ngaho, okwa weda po yoo vali kutya NFA ota kufa onghatu ya fimana konima a mana nomakonakona olopota yoshiningwanima. “Okwa li sha puka eshi ovalumenhu ava kwa li va pitikwa va ye monhele omo noilwifo. Osha puka yoo vali eshi va eta oilwifo mokapale. “Keshe umwe na dane onghandangala. Oto lineekele kutya eeshipana oda kwashilipaleka kutya meebesha dado ile moyeendifo yavo yopaumwene kamu na nande oinima oyo tai dulu okulongifwa okweehameka vakwao. “Okapale naka kale onhele yaamenwa yovadanauki, ovanambelewa novayambididi,” Hamata osho a ti ngaho. The post Ovadeuli veeshipaana dokatanga kokeemhadi ve likufila oilwifo appeared first on The Namibian.

The owners of the Bluewaters coal-fired plant in Western ...

The owners of the Bluewaters coal-fired plant in Western ...

us on a stunning walking tour of Dubai's iconic Bluewaters Island, where you'll experience breathtaking views of JBR, luxury yachts, and the magnificent Ain Dubai – the world's largest observation wheel. Take in the sights and sounds of this vibrant destination, from the bustling promenade to the sparkling waters. Whether you're here for the views, the yachts, or just to explore, this tour offers a perfect snapshot of one of Dubai's most exciting waterfront areas.